Linux tips

ഫോട്ടോകളുടെ വലിപ്പം ഒറ്റയടിക്ക് കുറക്കാം.

2011-09-17T08:47:00.005+05:30

വിദ്യാഭ്യാസ വകുപ്പും IT@School ഉം സംയുക്തമായി കഴിഞ്ഞ വര്‍ഷം മുതല്‍ സ്ക്കുള്‍ കായിക മത്സരങ്ങളുടെ നടത്തിപ്പിന് നടപ്പിലാക്കിയ സോഫ്റ്റ്വെയര്‍ കായികരംഗത്തെ ഒരു പുതിയ കാല്‍വെപ്പായിരുന്നു. വിജയകരമായിരുന്നു. സ്ക്കൂള്‍ തലങ്ങളില്‍ നിന്ന് ഓണ്‍ലൈനായി കുട്ടികളുടെ ഡാറ്റാ എന്റര്‍ ചെയ്യുകയും സബ് ജില്ലാതലങ്ങളില്‍ ആ ഡാറ്റാ ഉപയോഗിച്ച് സോഫ്റ്റ്വെയറിന്റെ സഹായത്തോടെ മത്സരങ്ങള്‍ നടത്തുകയും ചെയ്യുന്നു. റവന്യു ജില്ലാ മത്സരങ്ങളും സംസ്ഥാന മത്സരങ്ങളും ഈ സോഫ്റ്റ്വെയറിന്റെ സഹായത്താല്‍ കഴിഞ്ഞ വര്‍ഷം വളരെ വിജയകരമായി നടന്നു. സംസ്ഥാന മത്സരങ്ങളുടെ ഫലങ്ങള്‍ തല്‍സമയം തന്നെ ഇന്റര്‍നെറ്റില്‍ ലഭ്യമാക്കി. അതിനുള്ള സോഫ്റ്റ് വെയറിലേക്ക് അപ്ലോഡ് ചെയ്യുന്ന കുട്ടികളുടെ ഫോട്ടോയുടെ വലിപ്പം 100kb ക്കും താഴേക്ക് മാറ്റേണ്ടതുണ്ട്. ഇത് ഓരോന്നോരാന്നായി ചെയ്യുന്നതിനു പകരം ഒരു ഫോള്‍ഡറിനുള്ളിലെ മുഴുവന്‍ ഇമേജുകളും ഒരുമിച്ച് format മാറ്റുകയോ resize ചെയ്യുകയോ ചെയ്യുന്നതിനായുള്ള converseen എന്ന സോഫ്റ്റ്വെയറിനെക്കുറിച്ച് ചുവടെ വിശദീകരിച്ചിരിക്കുന്നു. ഒപ്പം സോഫ്റ്റ്‌വെയറിലേക്കുള്ള ഡാറ്റാ എന്‍ട്രിയേക്കുറിച്ചുള്ള പൊതു നിര്‍ദ്ദേശങ്ങളും താഴെ നല്‍കിയിട്ടുണ്ട്.
Read More | തുടര്‍ന്നു വായിക്കുക

ബ്ലോഗറില്‍ പുതിയൊരു ഗാഡ്ജറ്റ് കൂടി

2011-03-26T07:29:00.002+05:30

ബ്ലോഗറില്‍ ഇതാ പുതിയൊരു ഗാഡ്ഡറ്റ് കൂടി റിലീസ് ചെയ്തിരിക്കുന്നു. ബ്ലോഗറില്‍ ബ്ലോഗുടമ ഈ ഗാഡ്ജറ്റ് ഉള്‍പ്പെടുത്തുന്നതോടെ പുതുതായി ഒരു എന്‍ട്രി ബോക്സ് ബ്ലോഗില്‍ പ്രത്യക്ഷപ്പെടും. അവിടെ വായനക്കാരന്‍ തന്റെ ഇ-മെയില്‍ വിലാസം നല്‍കി സബ്മിറ്റ് ചെയ്യുന്നതോടെ സ്വന്തം മെയില്‍ ബോക്സിലേക്ക് പുതിയ പോസ്റ്റുകള്‍ പ്രസിദ്ധീകരിക്കപ്പെടുന്നതിനനുസരിച്ച് മെയിലായി എത്തുന്നു. നേരത്തേ ഫീഡ് ബേണര്‍ വഴി ചെയ്തിരുന്ന സംഗതി എളുപ്പത്തില്‍ ഒരൊറ്റ സബ്മിറ്റിലേക്ക് ഗൂഗിള്‍ ആവാഹിച്ചിരിക്കുന്നു. ഫീഡ് ബേണര്‍ അക്കൗണ്ട് നിര്‍മ്മിക്കുന്ന ജോലിയടക്കം ബ്ലോഗര്‍ സ്വയം ചെയ്തു കൊള്ളും. സൗകര്യപ്രദമല്ലേ? ഈയൊരു സംവിധാനമുണ്ടെങ്കില്‍, തല്പരരായ വായനക്കാരുടെ മെയില്‍ ബോക്സിലേക്ക് നമ്മുടെ ബ്ലോഗ് പോസ്റ്റുകളുടെ ഉള്ളടക്കവും ലിങ്കും മെയിലായി ചെല്ലും. ഇതോടെ, ഞാനൊരു പുതിയ പോസ്റ്റിട്ടു എന്ന് മെയിലായി അറിയിക്കേണ്ടെന്ന് ചുരുക്കം. എങ്ങനെ ഇപ്പണി ചെയ്യാം?

ഈ ഗാഡ്ജറ്റ് ഉള്‍പ്പെടുത്താന്‍ Blogger Dashboard - Design എന്ന ക്രമത്തില്‍ തുറക്കുക
ഈ സമയം താഴെ കാണുന്ന പോലെയാകും ജാലകം തുറന്നു വരിക
Add a Gadget ല്‍ ക്ലിക്ക് ചെയ്യുമ്പോള്‍ ഏറ്റവും മുകളില്‍ 'Follow by Email' എന്നൊരു ഗാഡ്ജറ്റ് ലിങ്ക് കാണാനാകും. അതിലെ + ചിഹ്നത്തില്‍ ക്ലിക്ക് ചെയ്യുക.

മുകളില്‍ കാണുന്നതു പോലെ ഓട്ടോ മാറ്റിക്കായിതന്നെ ഫീഡ് ബേണര്‍ അക്കൗണ്ട് നിര്‍മ്മിക്കപ്പെടുന്നു.
Save ചെയ്യുന്നതോടെ താഴെ കാണുന്നത് പോലെ നമ്മുടെ ബ്ലോഗില്‍ വായനക്കാര്‍ക്ക് ഈമെയില്‍ നല്‍കുന്നതിനുള്ള സബ്മിറ്റ് വിന്‍ഡോ പ്രത്യക്ഷപ്പെടുന്നു.

എസ്.എസ്.എല്‍.സി ഐടി പ്രാക്ടിക്കല്‍ പരീക്ഷ IT Practical

2011-02-21T05:00:00.001+05:30

ഇത്തവണത്തെ എസ്.എസ്.എല്‍.സി. ഐടി പ്രായോഗിക പരീക്ഷ ഫെബ്രു.23നു തുടങ്ങി മാര്‍ച്ച് 9ന് മുമ്പ് തീരത്തക്ക രീതിയിലാണല്ലോ ക്രമീകരിച്ചിരിക്കുന്നത്. (സര്‍ക്കുലര്‍ കണ്ടല്ലോ, അല്ലേ..?). കഴിഞ്ഞ രണ്ടുവര്‍ഷങ്ങളായി ഈ വിഷയത്തെ അധികരിച്ച് മാത്സ് ബ്ലോഗ് നല്‍കിയ പോസ്റ്റുകള്‍ ഉപകാരപ്പെടാത്തവരില്ലെന്ന് കണ്ടുമുട്ടുന്ന അധ്യാപകരൊക്കെ പറയും. ഈ വര്‍ഷവും ഇത്തരമൊരു പോസ്റ്റിന്റെ ആവശ്യകത വളരേയാണെന്ന് ഞങ്ങള്‍ക്ക് തികഞ്ഞ ബോധ്യമുണ്ട്. നിങ്ങള്‍ ഇന്‍സ്റ്റാള്‍ ചെയ്യാനുദ്ദേശിക്കുന്ന കംപ്യൂട്ടറില്‍ ഉള്ള ഓപറേറ്റങ് സിസ്റ്റം ഏതാണെന്ന് സ്വയം മനസ്സിലാക്കി ഇന്‍സ്റ്റാള്‍ ചെയ്യുന്ന രീതിയിലാണ് സോഫ്റ്റ്‌വെയറിന്റെ രൂപകല്പന. സോഫ്‌റ്റ്‌വെയറിന്റെ ഇന്‍സ്റ്റലേഷന്‍ സ്റ്റെപ്പുകളെപ്പറ്റി ഹസൈനാര്‍ മങ്കട തയ്യാറാക്കിയ സഹായകക്കുറിപ്പുകള്‍ താഴെ നല്‍കിയിരിക്കുന്നു. താഴെയുള്ള ലിങ്കില്‍ നിന്നും ഈ കുറിപ്പുകളുടെ പി.ഡി.എഫ് കോപ്പി ഡൌണ്‍ലോഡ് ചെയ്തെടുക്കുകയും ചെയ്യാം.
Read More | തുടര്‍ന്നു വായിക്കുക

നഷ്ടപ്പെട്ട ഫയലുകള്‍ തിരിച്ചെടുക്കാം

2010-12-16T05:00:00.002+05:30

നമ്മുടെ സിസ്റ്റത്തില്‍ നിന്നും അബദ്ധവശാല്‍ ഡീലിറ്റ് ആയ ഫയലുകളെ restore ചെയ്യാനുതകുന്ന പല സോഫ്റ്റ്‌വെയറുകളും ഉബുണ്ടുവില്‍ ലഭ്യമാണ്. testdisk (photorec) , foremost എന്നിവ ഇവയില്‍ പ്രധാനപ്പെട്ട സോഫ്റ്റ്‌വെയറുകളാണ്. foremost എന്ന സോഫ്റ്റ്‌വെയര്‍ ഉപയോഗിച്ച് നഷ്ടപ്പെട്ട ഫയലുകള്‍ തിരിച്ചെടുക്കുന്ന വിധം താഴെ നല്‍കുന്നു
ആദ്യം foremost ഇന്‍സ്റ്റാള്‍ ചെയ്യാം. ഇന്‍സ്റ്റാള്‍ ചെയ്യാനായി താഴെയുള്ള കമാന്റ് ടെര്‍മിനലില്‍ റണ്‍ ചെയ്യുക.(നെറ്റ് കണക്ഷന്‍ വേണം)

sudo apt-get install foremost

OR

Ubuntu 10.04 ലേക്കുള്ള പാക്കേജ് ഇവിടെ നിന്നും 9.10 ലേക്കുള്ളത് ഇവിടെ നിന്നും ഡൗണ്‍ലോഡ് ചെയ്ത് Double Click ചെയ്ത് ഇന്‍സ്റ്റാള്‍ ചെയ്യാം

foremost ഉപയോഗിച്ച് pendrive or External Harddisk ലേക്ക് data recover ചെയ്യാനുള്ള രീതി താഴെ നല്‍കുന്നു

Data നഷ്ടപ്പെട്ട partion ന്റെ drive letter താഴെയുള്ള കമാന്റിലൂടെ കണ്ടുപിടിക്കുക

sudo fdisk -l

അപ്പോള്‍ ലഭിച്ച റിസള്‍ട്ടിന്റെ മാതൃക താഴെ നല്‍കുന്നു.

Device Boot Start End Blocks Id System
/dev/sda1 * 1 3231 25952976 83 Linux
/dev/sda2 3232 6079 22876560 7 HPFS/NTFS
/dev/sda4 6080 19457 107458785 5 Extended
/dev/sda5 6080 6261 1461883+ 82 Linux swap / Solaris
/dev/sda6 6262 12316 48635904 83 Linux
/dev/sda7 12317 19457 57360051 83 Linux

ഇതില്‍ /dev/sda7 എന്ന ഡ്രൈവിലെ ഫയലുകളാണ് ഡീലിറ്റ് ആയതെന്ന് കരുതുക.

ഇനി pendrive or External Harddisk കമ്പ്യൂട്ടറില്‍ ഘടിപ്പിച്ചതിന് ശേഷം താഴെയുള്ള കമാന്റിലൂടെ pendrive or External Harddisk മൗണ്ട് ചെയ്ത path എന്താണെന്ന് മനസ്സിലാക്കുക.

sudo df ( റിസള്‍ട്ടിലെ ഓരോ വരിയുടെയും അവസാനം നോക്കുക.)

320 GB External Hard disc ഘടിപ്പിച്ച സിസ്റ്റത്തില്‍ ലഭിച്ച റിസള്‍ട്ടിന്റെ മാതൃക.

Filesystem 1K-blocks Used Available Use% Mounted on
/dev/sda6 47872352 24439912 21000648 54% /
none 443108 308 442800 1% /dev
none 447328 448 446880 1% /dev/shm
none 447328 308 447020 1% /var/run
none 447328 0 447328 0% /var/lock
none 447328 0 447328 0% /lib/init/rw
/dev/sdb5 30275680 14444768 15830912 48% /media/MH
/dev/sdb2 51215216 24474488 26740728 48% /media/6069986746998DAC
/dev/sdb4 190012368 76024896 113987472 41% /media/6E9D-7001
/dev/sdb3 40313996 477804 37788308 2% /media/store

(Data നഷ്ടപ്പെട്ട പാര്‍ട്ടീഷ്യനിലേക്ക് ഗ്രാഫിക്കലായി ലോഗിന്‍ ചെയ്യാന്‍ പറ്റുന്നുണ്ടെങ്കില്‍ sudo df എന്ന കമാന്റ് ഉപയോഗിച്ചാല്‍ തന്നെ ഡിവൈസ് ലെറ്റര്‍ കണ്ടുപിടിക്കാന്‍ സാധിക്കും. മുകളില്‍ കാണിച്ച റിസള്‍ട്ടില്‍ ആദ്യവരിയുടെ അവസാനം നോക്കൂ. Root (/) പാര്‍ട്ടീഷ്യനാണത്)

ഇതില്‍ External Hard disc മൗണ്ട് ചെയ്ത /media/6E9D-7001 എന്ന പാര്‍ട്ടീഷ്യനിലേക്കാണ് ഡാറ്റകള്‍ Recover ചെയ്യേണ്ടതെന്നിരിക്കട്ടെ
( പെന്‍ഡ്രൈവിന് പേര് നല്‍കിയിട്ടുണ്ടെങ്കില്‍ അതായിരിക്കും /media ക്ക് ശേഷം ഉണ്ടാവുക.)
അതിനായി /media/6E9D-7001 യില്‍ ഒരു ഫോള്‍ഡര്‍ നിര്‍മ്മിക്കുക. ഉദാഹരണമായി recover എന്ന പേരില്‍ ഒരു ഫോള്‍ഡര്‍ നിര്‍മ്മിക്കാം.

mkdir /media/6E9D-7001/recover

ഇനി foremost ഉപയോഗിച്ച് /dev/sda7 യിലെ നഷ്ടപ്പെട്ട ഡാറ്റകളെ /media/6E9D-7001/recover എന്ന ഫോള്‍ഡറിലേക്ക് Recover ചെയ്യാം.

sudo foremost -i /dev/sda7 -o /media/6E9D-7001/recover

ഇങ്ങനെ നല്‍കമ്പോള്‍ ആ പാര്‍ട്ടീഷ്യനിലെ എല്ലാ ടൈപ്പ് ഫയലുകളും Recover ചെയ്യുന്നത് കൊണ്ട് നമുക്ക് ആവശ്യമുള്ള ഫയല്‍ തെരഞ്ഞെടുക്കുക എന്നത് വളരെ ബുദ്ധിമുട്ട് നിറഞ്ഞതാണ്. താഴെ പറയുന്ന രീതിയില്‍ ഫയല്‍ ടൈപ്പ് നല്‍കി സെര്‍ച്ച് ചെയ്യുകയാണെങ്കില്‍ ഡാറ്റകളെ കണ്ടെത്തുന്നത് കൂടുതല്‍ എളുപ്പമാകും.

sudo foremost -t jpg /dev/sda7 -o /media/6E9D-7001/recover

(ശ്രദ്ധിക്കുക : സിസ്റ്റം എത്ര പ്രവശ്യം ഫോര്‍മാറ്റ് ചെയ്തിട്ടുണ്ടോ അത്രയും ഡാറ്റകളെ Recover ചെയ്യും. ആയതിനാല്‍ കൂടുതല്‍ സ്പേസ് ഉള്ള External Hard disk ലേക്ക് Recover ചെയ്യുകയാണ് നല്ലത്.)

ഇവിടെ jpg ഫോര്‍മാറ്റുകള്‍ മാത്രമാണ് Recover ചെയ്യുന്നത്. കമാന്റില്‍ jpg പകരം മറ്റ് ഫയല്‍ ടൈപ്പ് നല്‍കിയാല്‍ അവ മാത്രം Restore ചെയ്യാം

പ്രവര്‍ത്തനം പെട്ടെന്ന് അവസാനിപ്പിക്കണമെങ്കില്‍ Ctrl+C ക്ലിക്ക് ചെയ്യുക.

നല്കാവുന്ന ഫയല്‍ ടൈപ്പുകള്‍
zip ( jar, zip , Open Office docs are just zip’d XML files so they are extracted as well. These include SXW, SXC, SXI, and SX? for undetermined OpenOffice files.) gif , png, bmp, avi, exe, mpg, wav, riff (This will extract AVI and RIFF since they use the same file format),wmv ,pdf, ole (This will grab any file using the OLE file structure.This includes PowerPoint, Word, Excel Access) doc (Note it is more efficient to run OLE as you get more bang for your buck. If you wish to ignore all other ole files then use this.) htm , cpp(C source code detection, note this is primitive and may generate documents other than C code.)
all - Run all pre-defined extraction methods. [Default if no -t is specified]

എല്ലാ ഫയല്‍ ഫോര്‍മാറ്റുകളും പ്രത്യേകം നല്‍കി സെര്‍ച്ച് ചെയ്യാന്‍ സാധിക്കില്ല എന്നത് ഈ യൂട്ടിലിട്ടിയുടെ ഒരു പരിമിതി തന്നെയാണ്.

NB : The recovered files (External hard disc ന് പകരം സിസ്റ്റത്തിലേക്ക് Restore ചെയ്യുകയാണെങ്കില്‍) will then be owned by root. Change their ownership so that you can use them:

sudo chown -R youruser:youruser /path_name/folder_name

command ന്റെ കൂടുതല്‍ options അറിയാന്‍ ..

foremost -h

OR

man foremost

അവലംബം:DataRecovery

ലൈവ് സിഡി ഉപയോഗിക്കേണ്ടത് എങ്ങിനെ?

2010-11-18T05:00:00.002+05:30

ഉബുണ്ടു പരിശീലനവുമായി ബന്ധപ്പെട്ട നമ്മുടെ മുന്‍ പോസ്റ്റുകളെല്ലാം ഒട്ടേറെ പേര്‍ക്ക് ഉപകാരപ്രദമായെന്നറിയിച്ചിരുന്നു. ഉബുണ്ടു ഇന്‍സ്റ്റലേഷന്‍ പോസ്റ്റില്‍ വന്ന കമന്റുകളുടെ എണ്ണം തന്നെ അത് പലര്‍ക്കും പല തരത്തില്‍ ഉപകരിച്ചു എന്നതിന് തെളിവാണ്. ഏതാണ്ട് 180 നു മേല്‍ കമന്റുകളാണ് ആ പോസ്റ്റിന് ലഭിച്ചത്. ഉബുണ്ടു പാഠങ്ങളുടെ ഭാഗമായി ഡോ.അനില്‍കുമാര്‍ പുതിയ പോസ്റ്റ് തയ്യാറാക്കിയിരിക്കുന്നത് ഒട്ടേറെ പ്രശ്നങ്ങള്‍ക്കുള്ള ഒരു പരിഹാരവുമായാണ്.

നമ്മുടെ വീട്ടിലെ സിസ്റ്റത്തില്‍ ലിനക്സ് ഇല്ലായെന്നിരിക്കട്ടേ. അതേ സിസ്റ്റം ഉപയോഗിക്കുന്ന മറ്റുള്ളവര്‍ക്ക് ലിനക്സ് ഇന്‍സ്റ്റാള്‍ ചെയ്യാന്‍ താല്പര്യമില്ല. പക്ഷേ നമുക്ക് നാളെ സ്ക്കൂളില്‍ പഠിപ്പിക്കേണ്ട ഒരു സംഗതി ചെയ്തു നോക്കുകയും വേണം. എന്താ ചെയ്യുക?
അല്ലെങ്കില്‍ സിസ്റ്റത്തില്‍ ഇന്‍സ്റ്റാള്‍ ചെയ്തിരിക്കുന്ന ഓപ്പറേറ്റിങ് സിസ്റ്റത്തിന് തകരാറുണ്ടായി. അതു വിന്‍ഡോസാകട്ടെ, ലിനക്സാകട്ടെ. സിസ്റ്റത്തില്‍ നിന്നും ഏതെങ്കിലും നമുക്കാവശ്യമുള്ള ഒരു ഫയല്‍ എടുക്കണം. നിലവിലുള്ള സിസ്റ്റത്തില്‍ പുതുതായി ഇന്‍സ്റ്റലേഷന്‍ നടത്തിയാല്‍ ആ ഫയല്‍ നഷ്ടപ്പെടും. ഇതിനായി റിക്കവറി ഇന്‍സ്റ്റലേഷനൊന്നും സമയമില്ല. എന്താ ചെയ്യുക?

ഓപ്പറേറ്റിങ് സിസ്റ്റം പാസ്വേഡ് ഉപയോഗിച്ച് പ്രൊട്ടക്ട് ചെയ്തിരിക്കുന്നു, പാസ്വേഡ് നഷ്ടമായി, ഓപ്പറേറ്റിങ് സിസ്റ്റം തുറക്കാനാകുന്നില്ല. പക്ഷെ അതിനുള്ളിലെ ഒരു ഫയല്‍ നമുക്ക് എടുക്കണം. എന്താ ചെയ്യുക?

ഇങ്ങനെയുള്ള നിരവധി പ്രശ്നങ്ങള്‍ക്കുള്ള വളരെ ഫലപ്രദമായ ഒരു പരിഹാരമാണ് ലൈവ് സി.ഡി. ഇതിനേപ്പറ്റി പലര്‍ക്കും അറിയില്ലായെന്നതാണ് വാസ്തവം. എന്നാല്‍ എല്ലാവരും, പ്രത്യേകിച്ച് ഐടി കൈകാര്യം ചെയ്യുന്നവര്‍ ഈ യൂട്ടിലിറ്റിയെപ്പറ്റി അറിഞ്ഞിരിക്കണം. കാരണം, മുകളില്‍ അക്കമിട്ടു നിരത്തിയതുപോലൊരു പ്രശ്നം നമുക്ക് അഭിമുഖീകരിക്കേണ്ടി വരുമ്പോഴായിരിക്കും ഈ അറിവിന്റെ ഗുണം മനസ്സിലാക്കാനാവുന്നത്. വലിയ സാങ്കേതിക പരിജ്ഞാനമില്ലെങ്കില്‍പ്പോലും നിസ്സാരമായി ഒരാളുടേയും സഹായമില്ലാതെ നമുക്ക് ഈ പ്രശ്നം പരിഹരിക്കാനാകും. നാളെ നമുക്കു മുന്നിലിരിക്കുന്ന കുട്ടികള്‍ ലൈവ് സിഡിയെപ്പറ്റി ചോദിച്ചാല്‍ എന്തു മറുപടിയാകും നാം നല്‍കുക?

ഉബുണ്ടു ഇന്‍സ്റ്റാള്‍ ചെയ്യാത്ത ഒരു സിസ്റ്റത്തില്‍ ലൈവ് സിഡി ഉപയോഗിച്ച് കയറി ഓപ്പണ്‍ ഓഫീസ് റൈറ്റര്‍ തുറന്ന് നമുക്കാവശ്യമായ കാര്യങ്ങള്‍ ചെയ്തു നോക്കുന്നതിനേപ്പറ്റി ചിത്രങ്ങളുടെ സഹായത്തോടെ താഴെ വിശദീകരിച്ചിരിക്കുന്നു.

ഉബുണ്ടുവിലെ ലൈവ് സിഡിയെക്കുറിച്ചുള്ള ഈ അറിവ് പങ്കുവെക്കുന്നത് നമ്മുടെ ലിനക്സ് ടീമില്‍ അംഗമായിട്ടുള്ള ഡോ.അനില്‍കുമാറാണ്. അധ്യാപകര്‍ക്കു വേണ്ടി തന്റെ പരീക്ഷണങ്ങളും മനസ്സിലാക്കിയ അറിവുകളും പങ്കുവെക്കുകയാണ് അദ്ദേഹം. വിശദമായൊരു ആമുഖം നല്‍കാതെ ഉബുണ്ടുവിന്റെ രണ്ടാം പാഠത്തിലേക്ക് കടക്കാം.

എന്താണ് ലൈവ് സി.ഡിയെന്ന ചോദ്യത്തിനുള്ള ഉത്തരമാകട്ടെ ആദ്യം. കൂടുതല്‍ പൂര്‍ണ്ണമായും പ്രവര്‍ത്തന സജ്ജമായ ഓപ്പറേറ്റിങ് സിസ്റ്റം അടങ്ങുന്ന ഒരു ബൂട്ടബിള്‍ സിഡിയെ ലൈവ് സിഡി എന്ന് വിളിക്കുന്നു. ഹാര്‍ഡ് ഡിസ്ക് പോലെയുള്ള സ്റ്റോറേജ് സംവിധാനങ്ങള്‍ ഉപയോഗിക്കാതെ സിഡിയില്‍ നിന്നും ബൂട്ട് ചെയ്ത് ഉബുണ്ടു ഉപയോഗിക്കാന്‍ ഈ സിഡി നമ്മെ സഹായിക്കുന്നു. ആദ്യ കാലങ്ങളില്‍ ഇന്‍സ്റ്റലേഷനും ലൈവ് ഉപയോഗത്തിനും വെവ്വെറെ സിഡികളാരുന്നെങ്കില്‍ ഇന്ന് ഇന്‍സ്റ്റലേഷന്‍ കം ലൈവ് സിഡിയായാണ് ഏറെ ഡിസ്ട്രിബ്യൂഷനുകളും വരുന്നത്.

ഉബുണ്ടു 10.04 ഇതുപോലെയുള്ള ഒരു സിഡി ആയതിനാല്‍ ഇന്‍സ്റ്റാള്‍ ചെയ്യാതെ ഇതു പ്രവര്‍ത്തിപ്പിക്കാനാവും. കേവലം ഓപ്പറേറ്റിങ് സിസ്റ്റം മാത്രമല്ല ആവശ്യമായ എല്ലാ സോഫ്റ്റ്വെയറുകളും ഈ സി ഡി ഉപയോഗിച്ചു പ്രവര്‍ത്തിപ്പിക്കാനാവും എന്നത് മറ്റ് എല്ലാ ഓപ്പറേറ്റിങ് സിസ്റ്റങ്ങളെ അപേക്ഷിച്ച് ലിനക്സിനെ ഇന്ന് കൂടുതല്‍ സ്വീകാര്യമാക്കുന്നു. ഉദാഹരണമായി നമ്മുടെ കമ്പ്യൂട്ടറിന്റെ ഹാര്‍ഡ് ഡിസ്ക് പൊടുന്നനെ പ്രവര്‍ത്തന രഹിതമായി എന്ന സങ്കല്പിക്കുക. ഒഴിവാക്കാനാവാത്ത ഒരു പ്രസന്റേഷന്‍ നടത്തുന്നതിനു തൊട്ടുമുമ്പെ ഇപ്രകാരം സംഭവിച്ചാലും ഉബുണ്ടു ലൈവ് സിഡി നമ്മുടെ രക്ഷക്കെത്തും. നേരിട്ട് സി ഡിയില്‍ നിന്നും ബൂട്ട് ചെയ്ത് ഓപ്പണ്‍ ഓഫീസ് പ്രവര്‍ത്തിപ്പിക്കാനാവും. ഇന്‍സ്റ്റാള്‍ ചെയ്യാന്‍ അധികാരമില്ലാത്ത ഒരു കമ്പ്യൂട്ടര്‍ നമുക്ക് ലഭിച്ചാല്‍ പോലും അതില്‍ യാതൊരു വിധ മാറ്റങ്ങളും വരുത്താതെ ഉബുണ്ടു പ്രവര്‍ത്തിപ്പിക്കുക എന്നത് നിസ്സാര സംഗതിയല്ല എന്ന് പറയേണ്ടതില്ലല്ലോ. ഇപ്രകാരം ലൈവ് സിഡി ഉപയോഗിച്ച് ഒരു വേഡ് ഡോക്കുമെന്റ് എപ്രകാരം തയ്യാറാക്കാം എന്ന് നോക്കാം.

സിഡിയില്‍ നിന്നും ബൂട്ട് ചെയ്യുക.

ആദ്യ സ്ക്രീന്‍. പ്രത്യേകമായി ഒന്നും ചെയ്യാനില്ല, വെല്കം സ്ക്രീന്‍ കാണുന്നതുവരെ കാത്തിരിക്കുക .

ആദ്യ യൂസര്‍ ഇന്പുട്ട് ആവശ്യപ്പെടുന്ന സ്ക്രീന്‍ . ട്രൈ ഉബുണ്ടു 10.04 എന്ന ഓപ്ഷന്‍ തിരഞ്ഞെടുത്ത് എന്റര്‍ കൊടുക്കുക. കൂടുതലായി ശ്രദ്ധവേണ്ടുന്ന ഘട്ടങ്ങളൊന്നും ഇനി ഇല്ലാത്തതിനാല്‍ ലൈവ് സിഡി ബൂട്ടായി വരുന്നതു വരെ കാത്തിരിക്കാം.

ഇത് പൂര്‍ണ്ണമായും പ്രവര്‍ത്തന സജ്ജമായ ഉബുണ്ടു ആണ്. ഇതില്‍ നമുക്ക് ആവശ്യമുള്ള എല്ലാ ജോലികളും ചെയ്യാന്‍ സാധിക്കുന്നതാണ്. നേരത്തെ ഉദാഹരണമായി ചൂണ്ടിക്കാണിച്ച ഓപ്പണ്‍ ഓഫീസ് നോക്കാം.

ആപ്ലിക്കേഷന്‍സില്‍ നിന്നും ഓഫീസ് തിരഞ്ഞെടുക്കാം.

ഓപ്പണ്‍ ഓഫീസ് വെഡ് ലോഡ് ചെയ്തുകൊണ്ടിരിക്കുന്നു.

നമുക്ക് ആവശ്യമുള്ള ഡൊക്കുമെന്റ് തയ്യാറാക്കി സേവ് ചെയ്യാവുന്നതാണ്.

സേവ് ചെയ്ത ഫയല്‍ ഡോക്കുമെന്റ്സില്‍ സൂക്ഷിച്ചിരിക്കുന്നു.

ഇത് ലൈവ് സിഡി ആയതിനാല്‍ ഷട്ട് ഡൌണ്‍ ചെയ്യുമ്പോള്‍ ഡോക്കുമെന്റ്സ് നഷ്ടപ്പെടും. അതിനാല്‍ തയ്യാറാക്കുന്ന ഡോക്കുമെന്റ്സ് പെന്‍ഡ്രൈവ് പോലെയുള്ള മാധ്യമങ്ങളിലേക്ക് സേവ് ചെയ്യാന്‍ മറക്കരുത്.

കുറച്ച് ഉപയോഗങ്ങള്‍ :
1. ഗ്രബ് റീ ഇന്‍സ്റ്റാള്‍ ചെയ്യാന്‍.
2. ബൂട്ട് ഫെയിലര്‍ (ബൂട്ട് സെക്റ്റര്‍ തകരാറ് )കാണിക്കുന്ന വിന്‍ഡോസ് മെഷീനുകള്‍ ബൂട്ട് ചെയ്യാന്‍.
3. ഒപ്പറേറ്റിങ് സിസ്റ്റം തകരാറിലായ കമ്പ്യൂട്ടറുകളിലെ ഡാറ്റാ തിരിച്ചെടുക്കാന്‍ (വിന്‍ഡോസ് മെഷീന്‍ അടക്കം ).
4. വിന്‍ഡോസ് സിസ്റ്റത്തില്‍ ഹൈഡ് ചെയ്തിട്ടിരിക്കുന്ന പല ഫയലുകളും തുറക്കാം .

ഇപ്രകാരം ലൈവ് സിഡി ഉപയോഗിച്ച് ഉബുണ്ടൂവുമായി പരിചയം നേടിയ ശേഷം വേണമെങ്കില്‍ ഇന്‍സ്റ്റലേഷന്‍ ചെയ്യാവുന്നതാണ്.

കുറിപ്പ് :
കൂടുതല്‍ ബൂട്ട് ഓപ്ഷനുകള്‍ ലഭിക്കാനായി ആദ്യ സ്ക്രീന്‍ കാണുന്ന ഉടന്‍ എസ്കേപ്പ് ബട്ടണ്‍ അമര്‍ത്തിയാല്‍ മതി . അപ്പോള്‍ താഴെ കാണും വിധം സ്ക്രീന്‍ ലഭ്യമാകും . ഇതില്‍ വിവിധ ഓപ്ഷനുകള്‍ കാണാം , F6 അമര്‍ത്തിയാല്‍ ബൂട്ട് പാരാമീറ്ററുകള്‍ മാറ്റാവുന്നതാണ്.
വിവിധ ഓപ്ഷനുകള്‍ കാണാം. ഇതില്‍ ട്രൈ ഉബുണ്ടു എന്ന ആദ്യ ഓപ്ഷന്‍ തിരഞ്ഞെടുത്ത് (ഡീഫോള്‍ട്ടായി ഈ ഓപ്ഷന്‍ ഹൈലറ്റഡ് ആയിരിക്കും) എന്റര്‍ കൊടുക്കുക.

ഉബുണ്ടു ഇന്‍സ്റ്റാള്‍ ചെയ്യുന്നതെങ്ങനെ?

2010-09-13T05:00:00.010+05:30

മുഖവുരകളില്ലാതെ വിഷയത്തിലേക്ക് കടക്കുന്നു. ഗ്നു ലിനക്സ്, ഉബുണ്ടു തുടങ്ങിയ പദങ്ങളെപ്പറ്റി കഴിഞ്ഞൊരു പോസ്റ്റില്‍ പ്രതിപാദിച്ചിരുന്നു. ഉബുണ്ടു 10.04 എന്ന പുതിയ പതിപ്പ് പുറത്തിറക്കപ്പെട്ട ഉടനെ തന്നെ ഐടി@സ്കൂളും ഉബുണ്ടു 10.04 ന്റെ പുതിയ പതിപ്പ് സ്കൂളുകള്‍ക്ക് വേണ്ടി കസ്റ്റമൈസ് ചെയ്ത് തയ്യാറാക്കുകയുണ്ടായി. 10.04, 9.10 തുടങ്ങിയ വേര്‍ഷനുകള്‍ ഇന്റര്‍നെറ്റില്‍ നിന്നു ഡൗണ്‍ലോഡ് ചെയ്യാനാവുന്നതും ഏകദേശം ഒരു സി ഡി യില്‍ ഒതുങ്ങാവുന്നത്ര ഫയല്‍ സൈസ് മാത്രമുള്ളതുമാണ്. എന്നാല്‍ ഐടി@സ്കൂള്‍ ഉബുണ്ടു, 9.10, 10.04 എന്നീ വേര്‍ഷനുകളില്‍ വിവിധങ്ങളായ ആപ്ലിക്കേഷന്‍ പാക്കേജുകള്‍ ചേര്‍ത്തിട്ടുള്ളതു കൊണ്ടുതന്നെ 4.3 ജി ബി ഫയല്‍ സൈസ് വരുന്നു. ഇവിടെ നല്‍കിയിട്ടുള്ള ചിത്രങ്ങള്‍ ഉബുണ്ടു 10.04 ന്റേതാണ്. ഉബുണ്ടു ഇന്‍സ്റ്റലേഷനുകള്‍ മിക്കവാറും ഒരു പോലെയായിരിക്കും എന്നതിനാല്‍ ധൈര്യമായി നമുക്ക് ഇന്‍സ്റ്റലേഷന്‍ ആരംഭിക്കാം.

കുറിപ്പ് : ഈ ഇന്‍സ്റ്റലേഷന്‍ നിലവില്‍ വിന്‍ഡോസ് ഓപ്പറേറ്റിങ് സിസ്റ്റം ഉള്ള ഒരു കമ്പ്യൂട്ടറിലെ ഫ്രീ പാര്‍ട്ടീഷന്‍ ഉപയോഗിച്ച് ചെയ്യുന്നതാണ്, യൂസര്‍ ഇന്‍പുട്ട് ആവശ്യമായ സ്ക്രീനുകള്‍ മാത്രമെ പ്രധാനമായും പരാമര്‍ശിച്ചിട്ടുള്ളൂ. ഇന്സ്റ്റലേഷന്റെ ഏതു ഘട്ടത്തിലും ക്യാന്‍സല്‍ ചെയ്യാനുള്ള അവസരം ലഭ്യമാണെങ്കിലും ഫോര്‍മാറ്റിങ് ഘട്ടം കടന്നാല്‍ തിരഞ്ഞെടുത്ത പാര്‍ട്ടീഷനിലെ ഡാറ്റ നഷ്ടപ്പെടും . ഇന്‍സ്റ്റലേഷന്‍ ക്യാന്‍സല്‍ ചെയ്യുന്ന പക്ഷം ലൈവ് സിഡീയിലേക്ക് ബൂട്ട് ചെയ്ത് വരുന്നതാണ് .

എല്ലാ ഓപ്പറേറ്റിങ് സിസ്റ്റം ഇന്‍സ്റ്റലേഷന്‍ പോലെ തന്നെ ഡിവിഡിയില്‍ നിന്നും ബൂട്ട് ചെയ്താണ് ഇതും ചെയ്യുന്നത്. ആദ്യം ഡ്രൈവില്‍ ഡി വിഡിയിട്ട് ഡിവിഡിയില്‍ നിന്നും ബൂട്ട് ചെയ്യുക.

ഉബുണ്ടു ആരംഭ സ്ക്രീന്‍

ആദ്യ യൂസര്‍ ഇന്‍പുട്ട് ആവശ്യമുള്ള സ്ക്രീന്‍ , ഇന്‍സ്റ്റാള്‍ ഉബുണ്ടു അമര്‍ത്തുക
ഇതില്‍ Try ubuntu എന്ന് സെലക്റ്റ് ചെയ്താല്‍ ലൈവ് സിഡി ആയി തന്നെ ഇത് പ്രവര്‍ത്തിപ്പിക്കാവുന്നതാണ്. ഇന്സ്റ്റാള്‍ ചെയ്യാതെ തന്നെ ഇന്റര്‍നെറ്റ് കണക്ഷന്‍ അടക്കം കോണ്‍ഫിഗര്‍ ചെയ്യാനും മറ്റ് ഹാര്‍ഡ് വെയറുകള്‍ ഇന്സ്റ്റാള്‍ ചെയ്യാനും സാധിക്കും എന്നതിനാല്‍ മറ്റ് ഓപ്പറേറ്റിങ് സിസ്റ്റം ഉപയോഗിക്കുന്നവര്‍ക്ക് ഉബുണ്ടുവുമായി പരിചയപ്പെടാന്‍ ഇത് ഗുണകരമാണ്.

വെല്‍ക്കം സ്ക്രീന്‍, ഭാഷ ഇംഗ്ലീഷ് തന്നെ നിലനിര്‍ത്തുന്നതാണ് നല്ലത്, ആവശ്യമുള്ള പക്ഷം പിന്നീട് ഇത് മാറ്റാവുന്നതാണ് തുടര്‍ന്ന് വരുന്ന സ്ക്രീനുകളില്‍ കീബോര്‍ഡ് ലേ ഔട്ട് , ടൈം സോണ്‍ എന്നിവ കൊടുത്ത് മുന്നോട്ട് പോകാം .

മേലെക്കാണുന്ന സ്ക്രീന്‍ ശ്രദ്ധിക്കുക, എന്‍ടിഎഫ്എസ് പാര്‍ട്ടീഷനില്‍ വിന്‍ഡോസ് 2000 ഇന്‍സ്റ്റാള്‍ ചെയ്ത ഒരു സിസ്റ്റമാണ് ഇതില്‍ കാണുന്നത്. പാര്‍ട്ടീഷന്‍ ഘട്ടത്തില്‍ ശ്രദ്ധചെലുത്താത്ത പക്ഷം നിലവിലെ ഓപ്പറേറ്റിങ് സിസ്റ്റം അടക്കം ഹാര്‍ഡ് ഡിസ്കിലെ ഫയലുകള്‍ എല്ലാം നഷ്ടപ്പെടാന്‍ സാദ്ധ്യത ഉണ്ട്. സ്പെസിഫൈ പാര്‍ട്ടീഷന്‍ മാനുവലി എന്ന ഓപ്ഷന്‍ ക്ലിക്ക് ചെയ്ത് ഫോര്‍വേഡ് കൊടുക്കുക.

ഇത് പാര്‍ട്ടീഷന്‍ ടേബിള്‍ മോഡിഫൈ ചെയ്യാനുള്ള ആദ്യ സ്ക്രീന്‍. ഫ്രീ സ്പേസായ 11940 സൈസ് പാര്‍ട്ടീഷന്‍ സെലക്റ്റ് ചെയ്ത് ആഡ് ബട്ടണ്‍ ക്ലിക്ക് ചെയ്യുക.

പുതിയ പാര്‍ട്ടീഷന്‍ വിവരങ്ങള്‍ ചേര്‍ക്കാനുള്ള വിന്‍ഡോ. ഇവിടെ ആകെ ഫ്രീ സ്പേസായ 11.94 ജി.ബി ഡീഫോള്‍ട്ടായി വന്നിരിക്കുന്നത് കാണാം . ഇത് നമ്മുടെ ആവശ്യാനുസരണം ക്രമീകരിക്കാവുന്നതാണ്. ആദ്യം ലിനക്സ് സ്വാപ്പ് ഏരിയ അലോട്ട് ചെയ്യുകയാവും ഉത്തമം , ബാക്കിയുള്ള സ്പേസ് കൃത്യമായി ബാക്കി പാര്‍ട്ടീഷനുകള്‍ക്ക് ഉപയോഗിക്കാന്‍ ഇതാണ് നല്ലത് .

ഇത് 1024 എം.ബി സ്വാപ്പ് സൈസ് ആക്കിയ സ്ക്രീന്‍സെലക്റ്റ് ചെയ്ത സ്പേസ് സ്വാപ്പ് ആയി ഫോര്‍മാറ്റ് ചെയ്യാന്‍ "യൂസ് ആസ്" എന്ന ഓപ്ഷനില്‍ "സ്വാപ്പ് ഏരിയ" എന്ന്‍ സെലക്റ്റ് ചെയ്യണം .

സ്വാപ്പ് അലോട്ട് ചെയ്തുകഴിഞ്ഞ സ്ക്രീന്‍. വീണ്ടും ഫ്രീ സ്പേസ് സെലക്റ്റ് ചെയ്യുക, ആഡ് പാര്‍ട്ടീഷന്‍ കൊടുക്കുക

വീണ്ടും പുതിയ പാര്‍ട്ടീഷന്‍ നിര്‍മ്മിക്കുന്നതിനുള്ള സ്ക്രീന്‍. ഇവിടെ പരമാവധി ലഭ്യമായ സ്പേസ് കൊടുത്തിരിക്കുന്നു.സ്വാപ് പാര്‍ട്ടീഷന്‍ ഉണ്ടാക്കിയ ശേഷം ബാക്കിയുള്ള മുഴുവന്‍ ഫ്രീ സ്പേസും ലിനക്സ് ഇന്‍സ്റ്റലേഷനു വേണ്ടി മാറ്റിയതിനാലാണ് മേലെ ഡീഫൊള്‍ട്ട് വാല്യൂ തന്നെ കൊടുത്തത് . എന്നാല്‍ നമുക്ക് ആവശ്യമുള്ള അത്ര സ്പേസ് മാത്രം കൊടുത്താല്‍ മതിയാകുന്നതാണ്. ഇവിടെ മൂന്ന് കോളങ്ങള്‍ പൂരിപ്പിക്കേണ്ടതുണ്ട്,

1) പാര്‍ട്ടീഷന്‍ സൈസ്

2) യൂസ് ആസ് - ഇവിടെ Ext3 ആയി കൊടുക്കണം

3) മൌണ്ട് പോയിന്റ് - ഇത് റൂട്ട് ( / )എന്ന് കൊടുക്കണം.
ഓ.കെ കൊടുക്കുക, ഒരു നിമിഷത്തിനു ശേഷം നിലവിലെ ഡിസ്ക് ലേ ഔട്ട് ഡിസ്പ്ലേ ചെയ്യപ്പെടും, എല്ലാം നമുക്ക് ആവശ്യമുള്ള പ്രകാരമാണെന്ന് ഉറപ്പ് വരുത്തിയതിനു ശേഷം ഫോവേഡ് കൊടുക്കുക.

യൂസര്‍ ഇന്‍ഫര്‍മേഷനുകള്‍, പാസ്സ്വേഡ്, കമ്പ്യൂട്ടറിന്റെ പേര് തുടങ്ങിയവ ചേര്‍ത്ത് മുന്നൊട്ട്

ഇന്‍സ്റ്റലേഷന്‍ ആരംഭിച്ചു. ഇനി നമുക്ക് കാര്യമായി ഒന്നും ചെയ്യാനില്ല. ഡിസ്ക് പാര്‍ട്ടീഷനിങ്, ഫയല്‍ കോപ്പി ചെയ്യല്‍ , ബൂട്ട് ലോഡര്‍ ഇന്‍സ്റ്റാള്‍ ചെയ്യല്‍ ഗ്രബ് ഇന്‍സ്റ്റാള്‍ ചെയ്ത് അപ്ഡേറ്റ് ചെയ്യുക തുടങ്ങിയ പ്രവര്‍ത്തികളാണ് ഈ സമയം പ്രധാനമായും നടക്കുന്നത്. ഇന്‍സ്റ്റലേഷന്‍ കഴിഞ്ഞാല്‍ റീബൂട്ട് ചെയ്യുക
ഇത് ബൂട്ട് ലോഡര്‍ മെനു. ഡീഫാള്‍ട്ട് ടം ഔട്ട് 10 സെക്കന്റാണ്, അതിനുള്ളില്‍ ആരോ കീ ഉപയോഗിച്ച് വിന്‍ഡോസോ ലിനക്സൊ തിരഞ്ഞെടുക്കാം.
ഇന്‍സ്റ്റലേഷന്‍ പൂര്‍ത്തിയാക്കി ഉബുണ്ടു ഓ.എസ് ലോഡായിരിക്കുന്നു.
ഉബുണ്ടു 9.10 ഇന്‍സ്റ്റലേഷന്‍ സ്റ്റെപ്പുകളുടെ പി.ഡി.എഫ് കോപ്പി

Reinstall Grub in SGL & Ubuntu 9.10

2010-06-22T21:50:00.038+05:30

Using Super Grub Cds

ലിനക്സ് ഉപയോഗിക്കുന്ന പലരും വിഷമത്തിലാകുന്ന ഘട്ടമാണല്ലോ ബൂട്ട് ലോഡര്‍ മിസ്സിംഗ് (grub error) . ഗ്രബ് നഷ്ടപ്പെട്ടാല്‍ ഗ്രബ് സി.ഡി. ഉപയോഗിച്ചും റെസ്ക്യൂ മോഡിലുമാണ് (rescue mode) സാധാരണയായി നാം ഗ്രബ് പുനസ്ഥാപിക്കാറ്. എന്നാല്‍ പല ഘട്ടങ്ങളിലും പരിപൂര്‍ണ്ണവിജയത്തിലെത്താന്‍ നമുക്ക് സാധിക്കാറില്ല. ഇതിനൊരു പരിഹാരം തന്നെയാണ് സൂപ്പര്‍ ഗ്രബ് സി.ഡി.കള്‍. പലതരത്തിലുള്ള സൂപ്പര്‍ ഗ്രബ് സി.ഡി.കളും ഇന്ന് നെറ്റില്‍ സുലഭമാണ്. പലതിന്റെയും പ്രവര്‍ത്തനം പലതരത്തിലുമാണ്. താഴെ കാണുന്ന ലിങ്കില്‍ നിന്നും ഒരു സൂപ്പര്‍ ഗ്രബ് സി.ഡി. ഡൌണ്‍ ലോഡ് ചെയ്യാം.(348 KB Only)

sgd_cdrom_1.21.iso.gz

ഡൌണ്‍ ലോഡ് ചെയ്ത sgd_cdrom_1.21.iso.gz എന്ന ഫയല്‍ Extract ചെയ്താല്‍ sgd_cdrom_1.21.iso എന്ന ഇമേജ് ഫയല്‍ ലഭിക്കും . ഈ ഫയല്‍ right click-Write to Disc എന്ന രീതിയില്‍ സി.ഡിയിലേക്ക് റൈറ്റ് ചെയ്താല്‍ സൂപ്പര്‍ ഗ്രബ് സി.ഡി. തയ്യാറായി.(Ubuntu 9.10 ല്‍ ഇങ്ങനെ റൈറ്റ്ക്ലിക്ക് ചെയത് സി.ഡി.യിലേക്ക് write ചെയ്യരുത്. പകരം Sound & Video-k3b,Accessories-CD/DVD Creator എന്നീ രീതിയില്‍ Disc burning യൂട്ടിലിട്ടികള്‍ ഓപ്പണ്‍ ചെയ്ത് സി.ഡി.write ചെയ്യുക) റൈറ്റ് ചെയ്യാന്‍ നല്ല സി.ഡി.തന്നെ തിരഞ്ഞെടുക്കുക.
സാധാരണ ലഭിക്കുന്ന ഗ്രബ് സി.ഡി. കള്‍ Ext3 ഫയല്‍ സിസ്റ്റം വരെ സപ്പോര്‍ട്ട് ചെയ്യുകയുള്ളൂ . എന്നാല്‍ ഈ സൂപ്പര്‍ ഗ്രബ് സി.ഡി. Ext4 ഫയല്‍ സിസ്റ്റത്തിനും സപ്പോര്‍ട്ട് ആവുന്നു എന്നതാണ് ഇതിന്റെ ഏറ്റവും വലിയ പ്രത്യേകത.

ഗ്രബ് പുനഃസ്ഥാപിക്കുന്ന വിധം
സി.ഡി. ഡ്രൈവിലിട്ട് First Boot Device സി.ഡി.റോം ആക്കിയതിന് ശേഷം സിസ്റ്റം ബൂട്ട് ചെയ്യുക. ബൂട്ട് ചെയ്ത് വരുമ്പോള്‍ കാണുന്ന മെനുവില്‍ നിന്നും AUTO MAGIC BOOT എന്ന മെനുവില്‍ എന്റര്‍ ചെയ്യുമ്പോള്‍ സിസ്റ്റത്തില്‍ നിലവിലുള്ള എല്ലാ OS കളും display ചെയ്യുന്നതായി കാണാം.ഇതില്‍ നിന്നും ലിനക്സ് കേര്‍ണലില്‍ എന്റര്‍ ചെയ്ത് root ആയി ലോഗിന്‍ ചെയ്യുക.(ഉബുണ്ടുവാണെങ്കില്‍ default യൂസറിലാണ് ലോഗിന്‍ ചെയ്യേണ്ടത്.) അതിന് ശേഷം root ടെര്‍മിനല്‍ തുറന്ന് താഴെ പറയുന്ന command type ചെയ്ത് എന്റര്‍ ചെയ്യുക.

grub-install /dev/sda
ഉബുണ്ടുവാണെങ്കില്‍ ടെര്‍മിനലില്‍ sudo grub-install /dev/sda എന്നാണ് നല്‍കേണ്ടത്.
sda എന്നത് ഹാര്‍ഡ് ഡിസ്ക് ടൈപ്പിനെക്കുറിക്കുന്നു. ഇത് കണ്ടുപിടിക്കാന്‍ root terminal ല്‍ fdisk -l എന്ന command ടൈപ്പ് ചെയ്താല്‍ മതി.(ഉബുണ്ടുവാണെങ്കില്‍ sudo fdisk -l) sda എന്ന സ്ഥലത്ത് സിസ്റ്റത്തിന്റെ ഹാര്‍ഡ് ഡിസ്ക് ഏതാണോ അതാണ് ടൈപ്പ് ചെയ്യേണ്ടത്. ഗ്രബ് ഇന്‍സ്റ്റാള്‍ ആയതിന് ശേഷം സി.ഡി., ഡ്രൈവില്‍ നിന്ന് പുറത്തെടുത്ത് സിസ്റ്റം റീബൂട്ട് ചെയ്യുക. ( ഫയല്‍ സിസ്റ്റം error ആണെങ്കില്‍ ബൂട്ട് ലോഡര്‍ ലഭിച്ചാലും OS ലേക്ക് പ്രവേശിക്കാന്‍ സാധിക്കണമെന്നില്ല.)
സൂപ്പര്‍ ഗ്രബ് സി.ഡി.യുടെ പുതിയ വേര്‍ഷന്‍ പുറത്തിറങ്ങി. .iso ഇമേജാണ്.(1.2 MB) ഇവിടെ ക്ലിക്ക് ചെയ്യുക

Using Live Cds
എന്നാല്‍ ചില പുതിയ സിസ്റ്റങ്ങളില്‍ ഈ സി.ഡി. ബൂട്ട് ആവാത്ത പ്രശ്നം കാണുന്നുണ്ട്. അത്തരം സിസ്റ്റങ്ങളില്‍ ഏതെങ്കിലും live സി.ഡി. ഉപയോഗിച്ച് Grub റീ ഇന്‍സ്റ്റാള്‍ ചെയ്യാവുന്നതാണ്.(Grub 2 ആണെങ്കില്‍ ഈ മാര്‍ഗം പറ്റില്ല.) വിശദവിവരങ്ങള്‍ക്ക് ഇവിടെ ക്ലിക്ക് ചെയ്യുക.

IT@School Ubuntu 9.10
Ubuntu 9.10 or 10.04 ല്‍ ഗ്രബ്ബിന്റെ അപ്ഡേറ്റഡ് വേര്‍ഷനായ Grub2 ആയത് കൊണ്ട് മുകളില്‍ പറഞ്ഞ സൂപ്പര്‍ ഗ്രബ് സി.ഡി. ഉപയോഗിക്കുകയോ താഴെയുള്ള രീതിയില്‍ ഗ്രബ്ബ് ഇന്‍സ്റ്റാള്‍ ചെയ്യുന്നതാണ് അഭികാമ്യം. (ഗ്രബ് ഇന്‍സ്റ്റാള്‍ ചെയ്യാന്‍ പലരീതികളും നെറ്റില്‍ സുലഭമാണെങ്കിലും താഴെയുള്ള മാര്‍ഗ്ഗം മിക്ക ലിനക്സിനും (SGL) യോജിച്ചതായി കാണുന്നുണ്ട്.)
9.10 സി.ഡി. ഉപയോഗിച്ച് സിസ്റ്റം ബൂട്ട് ചെയ്യുക. ലൈവ് ആയി ബൂട്ട് ചെയ്ത് Desktop ലെത്തുക. ഇനി ഉബുണ്ടു/ഗ്രബ് നഷ്ടപ്പെട്ട Os ന്റെ റൂട്ട് പാര്‍ട്ടീഷ്യന്‍ ഏതെന്ന് മനസ്സിലാക്കുക. അതിനായി ടെര്‍മിനല്‍ തുറന്ന് താഴെ പറയുന്ന കമാന്റ് ടൈപ്പ് ചെയ്യുക.
sudo fdisk -l
OR
sudo blkid

sudo fdisk -l എന്ന കമാന്റിന് താഴെയുള്ള രീതിയില്‍ റിസള്‍ട്ട് ലഭിക്കുന്നു.

/dev/sda1 * 1 1976 15872188+ c W95 FAT32 (LBA)
/dev/sda2 1977 9729 62275972+ f W95 Ext'd (LBA)
/dev/sda5 1977 3800 14651248+ b W95 FAT32
/dev/sda6 3801 5546 14024713+ b W95 FAT32
/dev/sda7 5547 5801 2048256 82 Linux swap / Solaris
/dev/sda8 5802 9729 31551628+ 83 Linux

ഇതില്‍ നിന്നും size ലൂടെ പാര്‍ട്ടീഷ്യന്‍ തിരിച്ചറിയാം. റൂട്ട് പാര്‍ട്ടീഷ്യന്‍ sda8 ആണെന്നിരിക്കട്ടെ.. ഈ പാര്‍ട്ടീഷ്യനെ ലൈവ് സി.ഡി യുടെ ഫയല്‍ സിസ്റ്റത്തിലെ mnt എന്ന ഫോള്‍ഡറിലേക്ക് താഴെയുള്ള കമാന്റിലൂടെ മൗണ്ട് ചെയ്യിക്കുക.

sudo mount /dev/sda8 /mnt
ഫയല്‍ സിസ്റ്റത്തിലെ mnt എന്ന ഫോള്‍ഡര്‍ തുറന്ന് മൗണ്ട് ചെയ്തിരിക്കുന്നത് ശരിയായ പാര്‍ട്ടീഷ്യന്‍ തന്നെയാണോ എന്ന് ഉറപ്പ് വരുത്താവുന്നതാണ്. ഇനി ഫയല്‍ സിസ്റ്റത്തിലെ(ലൈവ്) dev,proc,sys എന്നിവയേയും താഴെയുള്ള കമാന്റിലൂടെ ഓരോന്നായി mnt എന്ന ഫോള്‍ഡറിലേക്ക് മൗണ്ട് ചെയ്യിക്കാം.
sudo mount --bind /dev /mnt/dev
sudo mount --bind /proc /mnt/proc
sudo mount --bind /sys /mnt/sys

ഇപ്പോള്‍ mnt എന്ന ഫോള്‍ഡറില്‍ ഒരു ചെറിയ 'വിര്‍ച്ച്വല്‍ ഫയല്‍ സിസ്റ്റം' തയ്യാറായി. പ്രസ്തുത ഫയല്‍ സിസ്റ്റത്തില്‍ അഡ്മിനിസ്ട്രേറ്റീവ് പ്രിവിലേജോടെ (chroot)പ്രവേശിക്കാന്‍ താഴെയുള്ള കമാന്റ് ഉപയോഗിക്കുക.
sudo chroot /mnt

ശേഷം ഗ്രബ് ഇന്‍സ്റ്റാള്‍ ചെയ്യാനായി താഴെയുള്ള കമാന്റ് ഉപയോഗിക്കാം.ഇവിടെ sudo ആവശ്യമില്ല.
grub-install --recheck /dev/sda (sda എന്നത് ഹാര്‍ഡ് ഡിസ്ക് ടൈപ്പിനെക്കുറിക്കുന്നു)

Ctrl+D അമര്‍ത്തി chroot നെ ക്സോസ് ചെയ്യാം.ഇനി മൗണ്ട് ചെയ്ത എല്ലാ ഫോള്‍ഡറുകളേയും unmount ചെയ്യിക്കാം.
sudo umount /mnt/dev
sudo umount /mnt/sys
sudo umount /mnt/proc
sudo umount /mnt
സിസ്റ്റം റീബൂട്ട് ചെയ്യുക.
sudo reboot
ഗ്രബ് പുനഃസ്ഥാപിച്ച് കഴിഞ്ഞാല്‍ സിസ്റ്റത്തില്‍ ലോഗിന്‍ ചെയ്ത് ആവശ്യമെങ്കില്‍ താഴെയുള്ള കമാന്റ് ഉപയോഗിച്ച് ഗ്രബ്ബിനെ അപ്ഡേറ്റ് ചെയ്യുക- (ഉബുണ്ടു ഇന്‍സ്റ്റാള്‍ ചെയ്തതിന് ശേഷം ഇന്‍സ്റ്റാള്‍ ചെയ്യുന്ന മറ്റ് OS കളെ ഉബുണ്ടുവിന്റെ ഗ്രബില്‍ കൂട്ടിച്ചേര്‍ക്കണെമെങ്കില്‍ ഇങ്ങനെ ഗ്രബിനെ അപ്ഡേറ്റ് ചെയ്യണം.
sudo update-grub
sudo reboot
അവസാനം ഇന്‍സ്റ്റാള് ചെയ്യുന്ന ലിനക്സിന്റെ ഗ്രബ്ബ് ആണല്ലോ സിസ്റ്റത്തിന്റെ Default boot loader ആവുന്നത്. ഉബുണ്ടു ഇന്‍സ്റ്റാള്‍ ചെയ്തതിന് ശേഷം 3.0/3.2 ഇന്‍സ്റ്റാള്‍ ചെയ്താല്‍ പ്രസ്തുത ഗ്രബ് വഴി ഉബുണ്ടുവിലേക്ക് ലോഗിന്‍ ചെയ്യാന്‍ പറ്റില്ല. അത്തരം സന്ദര്‍ഭങ്ങളില്‍ ഉബുണ്ടുവിന്റെ ഗ്രബിനെ Default boot loader ആക്കുകയാണ് വേണ്ടത്. ശേഷം 3.2 വിനെ ഉബുണ്ടുവിന്റെ ഗ്രബില്‍ കൂട്ടിച്ചേര്‍ക്കണെമെങ്കിലും മുകളില്‍ പറഞ്ഞരീതിയില്‍ ഗ്രബ്ബിനെ update ചെയ്യണം.ഇവിടെയുള്ള കമാന്റുകള്‍ ഓര്‍ക്കാന്‍ വിഷമമുണ്ടെങ്കില്‍ ലൈവ് സി.ഡി.യിലൂടെ നെറ്റ് ഉപയോഗിച്ച് കമാന്റുകള്‍ കോപ്പി ചെയ്ത് ടെര്‍മിനലില്‍ പേസ്റ്റ് ചെയ്താല്‍ മതി.

ഈ പോസ്റ്റിന്റെ പി.ഡി.എഫ്ഇവിടെ ക്ലിക്ക് ചെയ്യുക
അവലംബം:
help.ubuntu.com
wiki.ubuntu.com

അപ്ലെറ്റുകള്‍ ബ്ലോഗില്‍ എംബഡ് ചെയ്യാം!

2010-06-11T04:55:00.004+05:30

പരിചയപ്പെട്ടതില്‍ വെച്ച് മികച്ച ഗണിത സോഫ്റ്റ്‍വെയറുകളിലൊന്നാണ് ജിയോജിബ്ര. ക്ലാസ് റൂമില്‍ അധ്യാപകന് ഏറെ സമയലാഭം ഉണ്ടാക്കിത്തരുന്നതിനും വ്യക്തതയാര്‍ന്ന വിവരണത്തിനുമൊക്കെ ജിയോജിബ്ര വളരെ സഹായകരമാണ്. വിദേശരാജ്യങ്ങളിലേതു പോലെ ക്ലാസ് റൂമിലെ അധ്യയനം കഴിഞ്ഞ് കുട്ടികള്‍ക്ക് റഫറന്‍സിനു വേണ്ടി നോട്സും പ്രസന്‍റേഷനുകളും ബ്ലോഗില്‍ ഉള്‍പ്പെടുത്തുന്ന അധ്യാപകരെപ്പോലെ നമുക്കും മാറാന്‍ കഴിയും. ഇതു സ്വപ്നം കാണാന്‍ മാത്രമുള്ള കാര്യമാണോ? ഒരിക്കലുമല്ല. ഒരു പത്തു വര്‍ഷത്തിനുള്ളില്‍ ഈ പ്രവണത നമ്മുടെ കൊച്ചു കേരളത്തിലും പടര്‍ന്നു പന്തലിച്ചിട്ടുണ്ടാകും. അതുലക്ഷ്യം വെച്ചു കൊണ്ടാകട്ടെ ഇന്നത്തെ പോസ്റ്റ്. നമ്മുടെ അധ്യാപകര്‍ക്ക് എന്നും പിന്തുണയുമായി എത്തുന്ന ഹസൈനാര്‍ മങ്കട‍ സാറാണ് ഈ ലേഖനം തയ്യാറാക്കിയിരിക്കുന്നത്. ഗണിതത്തിനു മാത്രമല്ല സാമൂഹ്യശാസ്ത്രം, സയന്‍സ് എന്നു തുടങ്ങി ഏതു വിഷയത്തിന്‍റേയും സഹായിയായി നമുക്കുപയോഗിക്കാന്‍ കഴിയുന്ന ഒരു ടൂളാണല്ലോ ജിയോജിബ്ര. ഈ സോഫ്റ്റ്‍വെയറില്‍‍ തയ്യാറാക്കിയ ഓരോ അപ് ലെറ്റുകളും താഴെ കാണിച്ചിരിക്കുന്നത് പോലെ നമുക്ക് ബ്ലോഗില്‍ പബ്ലിഷ് ചെയ്യാം. ഒരു ഉദാഹരണം നോക്കൂ.

Play button ക്ലിക്ക് ചെയ്ത് അപ് ലെറ്റിനെ പ്രവര്‍ത്തിപ്പിക്കാം. താഴെയുള്ള അപ് ലെറ്റില്‍ ഡബിള്‍ ക്ലിക്ക് ചെയ്ത് നോക്കൂ..

Sorry, the GeoGebra Applet could not be started. Please make sure that Java 1.4.2 (or later) is installed and active in your browser (Click here to install Java now)

hassainarmankada

പബ്ലിഷ് ചെയ്യുന്ന വിധം :

ജിയോജിബ്രയില്‍ തയ്യാറാക്കിയ ഫയലിനെ .ggb ആയും dynamic html page ആയും Desktop ല്‍ സേവ് ചെയ്യുക.

Dynamic html page ആയി സേവ് ചെയ്യുന്ന വിധം

File Export-Dynamic Worksheet as Webpage(Html) ക്ലിക്ക് ചെയ്യുക.

Tiltle, Text below the construction എന്നിവ നല്‍കിയതിന് ശേഷം Advanced ക്ലിക്ക് ചെയ്യുക.

ആവശ്യമായ features ല്‍ ടിക് ഇടുക.
(Double Click open application window, Enable right click featuers, Show toolbar , etc.)

Java Applet ല്‍ ടിക്ക് മാര്‍ക്ക് ഉണ്ടെന്ന് ഉറപ്പ് വരുത്തുക.

Export ക്ലിക്ക് ചെയ്ത് OK ക്ലിക്ക് ചെയ്യുക. (ഫയല്‍ നാമം മാറ്റേണ്ടതില്ല.)

ഇനി ഈ ഫയലുകള്‍ www.geogebra.org ലേക്ക് upload ചെയ്യണം.

അതിനായി ഈ ലിങ്കില്‍ ക്ലിക്ക് ചെയ്യണം.

ലോഗിന്‍ ചെയ്യുക. account ഇല്ലാത്തവര്‍ക്ക് login -Register ല്‍ ക്ലിക്ക് ചെയ്ത് account സൃഷ്ടിക്കാം.
ഫയല്‍ Upload ചെയ്യുന്നതിനായി ഒരു ഫോള്‍ഡര്‍ ക്രിയേറ്റ് ചെയ്യുക.
അതിന് ഏറ്റവും താഴെയുള്ള Make dir ഉപയോഗിക്കാം. ശേഷം ഫോള്‍ഡര്‍ തുറക്കുക.
(Ctrl+F അമര്‍ത്തി ഫോള്‍ഡര്‍ കണ്ടുപിടിക്കുന്നതാണ് എളുപ്പം)
ഫോള്‍ഡര്‍ തുറന്നതിന് ശേഷം Upload File വഴി രണ്ട് ഫയലും ഫോള്‍ഡറിലേക്ക് അപ് ലോഡ് ചെയ്യുക.
Upload ചെയ്തതിന് ശേഷം .html ഫയലില്‍ ക്ലിക്ക് ചെയ്ത് ലിങ്ക് വര്‍ക്ക് ചെയ്യുന്നുണ്ടോ എന്ന് ടെസ്റ്റ് ചെയ്യുക. ശേഷം അപ് ലോഡ് ചെയ്ത .ggb ഫയലിന്റെ url കോപ്പിചെയ്യുക.(പുതിയ ടാബില്‍ ഓപ്പണ്‍ ചെയ്താല്‍ മതി)

ഇനി നേരത്തെ നാം Desktop ല്‍ സേവ് ചെയ്ത .html പേജ് text editor ല്‍ തുറക്കുക.(Right click -Open with gedit)

"param name="filename" എന്ന് തുടങ്ങുന്ന ആദ്യ വരിയിലെ value= എന്നതിന് ശേഷം കാണുന്ന ഫയല്‍ നാമത്തിന് പകരം നാം വെബ്ബില്‍ നിന്നും കോപ്പി ചെയ്ത url പേസ്റ്റ് ചെയ്ത് സേവ് ചെയ്യുക. മറ്റ് value കളിലൊന്നിനും മാറ്റം വരരുത്.

ഇനി 'applet name=' മുതലുള്ള ഭാഗം കോപ്പി ചെയ്ത് വെബ്ബ് പേജില്‍ പേസ്റ്റ് ചെയ്യുക.
അവസാന ഭാഗത്തെ span style= മുതലുള്ള ഭാഗവും ഒഴിവാക്കാം.
നമ്മുടെ ബ്രൗസറില്‍ ഇത് പ്രവര്‍ത്തിക്കണമെങ്കില്‍ java enable ചെയ്യണം. നിങ്ങളുടെ സിസ്റ്റത്തില്‍ ജാവ ഇന്‍സ്റ്റാള്‍ ചെയ്തിട്ടുണ്ടോ എന്ന് അറിയാന്‍ ഇവിടെക്ലിക്ക് ചെയ്താല്‍ അറിയാം

അവലംബം ഇവിടെ ക്ലിക്ക് ചെയ്യുക.

എട്ടാം ക്ലാസ് ICT സോഫ്റ്റ്‍വെയറുകള്‍

2010-05-27T05:00:00.003+05:30

പുതുതായി എത്തിയിരിക്കുന്ന എട്ടാം ക്ലാസ് ഐ.സി.ടി പാഠപുസ്തകത്തിലും പരിശീലനപരിപാടികളിലും ജിമ്പ്, ഓപ്പണ്‍ ഓഫീസ് റൈറ്റര്‍, കാല്‍ക്ക്, ഇംപ്രസ്, കാത്സ്യം, ജിയോജിബ്ര, പൈത്തണ്‍, മാര്‍ബിള്‍, സണ്‍‍ക്ലോക്ക്, കെസ്റ്റാര്‍സ്, എന്നീ സോഫ്റ്റ്‍വെയറുകളാണല്ലോ ഉള്‍പ്പെടുത്തിയിരിക്കുന്നത്. ഈ വര്‍ഷം മുതല്‍ ഐ.ടി പഠിപ്പിക്കുന്നതിന് എട്ടാം ക്ലാസില്‍ അതാത് വിഷയം പഠിപ്പിക്കുന്ന അധ്യാപകരുടെ സേവനവും തേടുന്നുണ്ട്.(സര്‍ക്കുലര്‍ കാണുക). കാരണം, ഒരു സോഷ്യല്‍ സ്റ്റഡീസ് ടീച്ചര്‍ക്കാണ് എട്ടാം ക്ലാസ് ഐ.ടിയുടെ ചുമതലയെങ്കില്‍ ഗണിതസോഫ്റ്റ്‍വെയറായ ജിയോജിബ്ര കുട്ടികളെ പഠിപ്പിക്കാന്‍ ഗണിതാധ്യാപികയുടെ സഹായം കൂടി ഉണ്ടായാലേ കാര്യങ്ങള്‍ സുഗമമാവൂ. ഈ സോഫ്റ്റ്‍വെയറുകളെല്ലാം ഡിഫോള്‍ട്ടായി ഉള്ള സ്വതന്ത്രസോഫ്റ്റ്‍വെയറായ ഉബുണ്ടു 9.10 ഐ.ടി അറ്റ് സ്ക്കൂള്‍ പുറത്തിറക്കിക്കഴിഞ്ഞു. അപ്പോള്‍ പലര്‍ക്കും സംശയം വരും. ഉബുണ്ടു ഇന്‍സ്റ്റാള്‍ ചെയ്യാത്ത സിസ്റ്റങ്ങളാണല്ലോ നമ്മുടെ സ്ക്കൂളുകളില്‍ അധികവും. ഗ്നു/ ലിനക്സ് 3.0, 3.2 വേര്‍ഷനുകള്‍ ഉപയോഗിക്കുന്നവര്‍ എട്ടാം ക്ലാസിലെ പഠനപ്രവര്‍ത്തനങ്ങള്‍ എങ്ങനെ കുട്ടികള്‍ക്ക് മുന്നില്‍ അവതരിപ്പിക്കും? അതിനെന്താണ് ചെയ്യുക? വഴിയുണ്ട്. ഗ്നു/ലിനക്സ് 3.0, 3.2 വേര്‍ഷനുകളില്‍ ഉപയോഗിക്കുന്നതിനായി മലപ്പുറം ഐടി@സ്ക്കൂള്‍ പ്രൊജക്ട് ജനുവരിയില്‍ പുറത്തിറക്കിയ എഡ്യൂസോഫ്റ്റിന്‍റെ ഏറ്റവും പുതിയ സി.ഡിയില്‍ ഉബുണ്ടുവില്‍ ഉണ്ടെന്ന് പറഞ്ഞ മേല്‍പ്പറഞ്ഞ സോഫ്റ്റ്‍വെയറുകളെല്ലാം ഉണ്ട്. കാത്സ്യം, ജിയോജിബ്ര, പൈത്തണ്‍, കെസ്റ്റാര്‍സ് എന്നിവയെല്ലാം ഈ സി.ഡി ഉപയോഗിച്ച് ഇന്‍സ്റ്റാള്‍ ചെയ്യാം. പക്ഷേ മാപ്പുകള്‍ ഉള്ള മാര്‍ബിള്‍, സണ്‍ക്ലോക്ക്, കെജ്യോമെട്രി എന്നീ സോഫ്റ്റുവെയറുകള്‍ ചില്ലറ അപ്ഡേഷന്‍ വര്‍ക്കുകളോടെ വേണം ഇന്‍സ്റ്റാള്‍ ചെയ്യാന്‍. അതേക്കുറിച്ചാണ് ഈ പോസ്റ്റ്. ഈ പാക്കേജുകള്‍ ഇന്‍സ്റ്റാള്‍ ചെയ്യേണ്ടി വരുമ്പോള്‍ നമുക്കുണ്ടാകുന്ന സംശയങ്ങളും പ്രശ്നങ്ങളും ഇവിടെ കമന്‍റുകളായി പങ്കു വെക്കുകയുമാകാം.

കഴിഞ്ഞ ദിവസം പങ്കെടുത്ത ഐ.സി.ടി പരിശീലനപരിപാടിയില്‍ ഉബുണ്ടുവിന്‍റെ 9.10 എന്ന വേര്‍ഷന്‍ ആദ്യമായി കണ്ടു. 'അസ്സലായി'‍ എന്ന് ഒറ്റ വാക്കില്‍ വിശേഷിപ്പിക്കാം. ഈ സി.ഡി കസ്റ്റമൈസ് ചെയ്ത മലപ്പുറത്തെ മാസ്റ്റര്‍ട്രെയിനര്‍ അബ്ദുള്‍ഹക്കീം മാഷ് അടക്കമുള്ള ഐ.ടി@സ്ക്കൂളിന്‍റെ എല്ലാ എംടിമാര്‍ക്കും മാത്‍സ് ബ്ലോഗിന്‍റെ നമോവാകം. കേരളസംസ്ഥാനം ഐ.ടി മേഖലയില്‍ വെയ്ക്കുന്ന അഭിമാനാര്‍ഹമായ ഓരോ ചുവടുവെപ്പിനുമൊപ്പമുള്ളത് ഐ.ടി@സ്ക്കൂളും മിടുക്കരായ മാസ്റ്റര്‍ട്രെയിനര്‍മാരുമാണെന്ന് അഭിമാനത്തോടെ പറയാന്‍ ഇത് തന്നെ മികച്ച ഒരു ഉദാഹരണമല്ലേ? അന്യമെന്ന് കരുതപ്പെട്ടിരുന്ന ഓരോ മേഖലയിലും നമ്മുടെ സഹപ്രവര്‍ത്തകര്‍ വെന്നിക്കൊടി പാറിക്കുമ്പോള്‍ ‍അധ്യാപകര്‍ക്ക് അഭിമാനിക്കാനിനി മറ്റെന്തു വേണം? തുടര്‍ന്നും ഈ വിജയഗാഥകള്‍ ആവര്‍ത്തിക്കാന്‍ ഇവര്‍ക്ക് കഴിയട്ടെയെന്ന് ആശംസിക്കുന്നു. ഈ പാക്കേജുകളും അവ‍ ഇന്‍സ്റ്റാള്‍ ചെയ്യേണ്ട വിധവും നമുക്ക് അയച്ചു തന്നിരിക്കുന്നത് മലപ്പുറത്തെ മാസ്റ്റര്‍ട്രെയിനറായ ഹസൈനാര്‍ മങ്കട സാറാണ്. സ്റ്റെപ്പ് ബൈ സ്റ്റൈപ്പായി അദ്ദേഹം കാര്യങ്ങള്‍ വിശദീകരിച്ചിരിക്കുന്നു.

Step : 1
ഇവിടെ നിന്നും corrected_packages.zip നിങ്ങളുടെ Desktop ലേക്ക് കോപ്പി ചെയ്ത് Extract ചെയ്തിടുക.

Step : 2

2010 ജനുവരിയില്‍ പുറത്തിറക്കിയ Edusoft for 3.2(Latest) സി.ഡി ഡ്രൈവിലിടുക.കയ്യിലുള്ള എഡ്യൂസോഫ്റ്റ് സി.ഡി പുതിയതാണോയെന്ന് എങ്ങനെയറിയും. Synaptic Package Manager വഴി CD Rom ആഡ് ചെയ്യുക. ഈ സമയം പാക്കേജ് ലിസ്റ്റില്‍ Edusoft all packs, Printer support, School office utils എന്നീ മെറ്റാ പാക്കേജുകള്‍ ഉണ്ടോയെന്ന് പരിശോധിക്കുക. ഇവ മൂന്നും ലിസ്റ്റില്‍ ഉണ്ടെങ്കില്‍ അതാണ് ഏറ്റവും പുതിയ Edusoft വേര്‍ഷന്‍.

Synaptic Package Manager ല്‍ Settings-Repositories ല്‍ ക്ലിക്ക് ചെയ്ത് അവയിലെ എല്ലാ ചെക്ക് മാര്‍ക്കുകളും കളഞ്ഞ് വിന്‍ഡോ ക്ലോസ് ചെയ്ത് reload button ക്ലിക്ക് ചെയ്യേണ്ടതാണ്.

(Open Synaptic Package Manager-Edit-Add CD-Rom എന്ന ക്രമത്തില്‍ സി.ഡി ആഡ് ചെയ്യുക.

Step : 3

Xrmap സെര്‍ച്ച് ചെയ്ത് ഇന്‍സ്റ്റാള്‍/റീ ഇന്‍സ്റ്റാള്‍ ചെയ്യുക.
(പച്ചച്ചതുരത്തിലാണെങ്കില്‍ Xrmap റീഇന്‍സ്റ്റാള്‍ ചെയ്യണം. വെള്ളച്ചതുരത്തിലാണെങ്കില്‍ Xrmap ഇന്‍സ്റ്റാള്‍ ചെയ്യാം.)

Step: 4

ഇനി എക്സ്ട്രാക്ട് ചെയ്ത ഫോള്‍ഡറിലെ ഓരോ സോഫ്റ്റുവെയറുകളും ഇന്‍സ്റ്റാള്‍ ചെയ്യാം. അതിന് താഴെ പറയുന്ന ക്രമം പാലിക്കണം. പാക്കേജുകളില്‍ റൈറ്റ് ക്ലിക്ക് ചെയ്ത് Open with Gdebi Package Installer സെലക്ട് ചെയ്താണ് ഇന്‍സ്റ്റലേഷന്‍ നടത്തേണ്ടത്. നിലവില്‍ ഈ പാക്കേജുകള്‍ സിസ്റ്റത്തില്‍ ഉണ്ടായാലും അവ നിര്‍ബന്ധമായും റീ ഇന്‍സ്റ്റാള്‍ ചെയ്യണം. അതിനായി reinstall എന്നതില്‍ ക്ലിക്ക് ചെയ്യുക.

1. sunclock

ആദ്യം sunclock-maps പിന്നെ sunclock.

2. marble

ആദ്യം marble-data പിന്നെ marble.

3. kgeography

ആദ്യം kgeography-data പിന്നെ kgeography

4. Kaliyalla Karyam

Step : 5
sunclock, Marble, xrmap എന്നീ സോഫ്റ്റ് വെയറുകള്‍ തുറന്ന് മാപ്പുകള്‍ അപ് ഡേറ്റ് ചെയ്തിട്ടുണ്ടോ എന്ന് ഉറപ്പ് വരുത്തുക. അതിനായി ഇന്‍ഡ്യയുടെ ഭൂപടം പരിശോധിക്കുക. അത് ശരിയായി വന്നിട്ടുണ്ടെങ്കില്‍ ഇന്‍സ്റ്റലേഷന്‍ കംപ്ലീറ്റായി എന്ന് ഉറപ്പിക്കാം. ഇല്ലെങ്കില്‍ മാസ്റ്റര്‍ട്രെയിനര്‍മാരെയോ ആര്‍.പി/എസ്.ഐ.ടി.സി മാരെയോ ബന്ധപ്പെട്ട് ശരിയായി ഇന്‍സ്റ്റലേഷന്‍ പ്രക്രിയ പൂര്‍ത്തീകരിക്കേണ്ടതാണ്.

ഉബുണ്ടു 9.10 ഉപയോഗിക്കുന്നവര്‍ക്ക് മാത്രം

ഉബുണ്ടു 9.10 ഇന്‍സ്റ്റാള്‍ ചെയ്തതിന് ശേഷം marble-data നിര്‍ബന്ധമായും update ചെയ്യണം. അതിനായി ഈ ലിങ്കില്‍ നിന്നും marble-data_4 3a4.3.6.1-0ubuntu1.2_all.deb ഡൗണ്‍ലോ‍ഡ് ചെയ്ത് Gdebi ഉപയോഗിച്ച് ഇന്‍സ്റ്റാള്‍ ചെയ്യണം.

യൂട്യൂബില്‍ നിന്നും ശബ്ദം മാത്രം എടുക്കാം

2010-05-23T05:00:00.000+05:30

പഠനപ്രവര്‍ത്തനങ്ങളുടെ ഭാഗമായി അധ്യാപകര്‍ക്ക് പലപ്പോഴും പല ഓഡിയോ ടേപ്പുകളും കുട്ടികളെ കേള്‍പ്പിക്കേണ്ടി വരാറുണ്ട്. എത്രത്തോളം വിവരിച്ചു പറഞ്ഞു കൊടുത്താലും യഥാര്‍ത്ഥശബ്ദം നേരിട്ട് കേള്‍ക്കുന്നതിനോളം വരികയില്ലല്ലോ അതൊന്നും. പാഠഭാഗത്തോട് ബന്ധപ്പെട്ട് നില്‍ക്കുന്ന ഏതെങ്കിലും ഒരു കവിത, അല്ലെങ്കില്‍ ഒരു നാടകം, ഇതെല്ലാം കുട്ടികള്‍ക്ക് കേള്‍ക്കാനായാല്‍ വേറിട്ടൊരു അനുഭവമാകും അത്. ക്ലാസ് റൂമുകള്‍ വൈദ്യുതീകരിക്കുകയും ഇന്റര്‍നെറ്റ് ഫസിലിറ്റി ലഭ്യമാക്കുകയും ചെയ്തു പോരുകയാണല്ലോ. ഇനി നമുക്കൊപ്പമുള്ള അധ്യാപകര്‍ ഈ സങ്കേതങ്ങളെല്ലാം പ്രയോഗിക്കുമ്പോള്‍ ഇതേക്കുറിച്ചൊന്നും അറിയാതെ മാറി നില്‍ക്കേണ്ട അവസ്ഥ നമുക്കുണ്ടാകരുത്. ഈ വിശാല'വല'യില്‍ ലഭ്യമാകാത്ത ചിത്ര-വീഡിയോ-ഓഡിയോ ഫയലുകള്‍ അപൂര്‍വ്വമാണല്ലോ. ഇത്തരത്തില്‍ നാം ഇന്റര്‍നെറ്റില്‍ കണ്ട ഒരു വീഡിയോ ഫയലിലെ ശബ്ദം മാത്രം കോപ്പി ചെയ്തെടുത്ത് mp3 പ്ലേയറില്‍ കുട്ടികളെ കേള്‍പ്പിക്കണമെങ്കിലോ. ഇതിന് വല്ല എളുപ്പവഴികളുമുണ്ടോ? നോക്കാം.

കഴിഞ്ഞ ദിവസം ഒരു കരോക്കെ ഗാനം അന്വേഷിച്ച് ഒരു കുട്ടി എന്‍റെ അടുത്തു വന്നു. “വാടാ മാപ്പിളേ..” എന്നു തുടങ്ങുന്ന വില്ല് എന്ന തമിഴ് സിനിമയിലെ കരോക്കെ ഗാനമായിരുന്നു ആ കുട്ടിക്ക് വേണ്ടിയിരുന്നത്. പല സെര്‍ച്ച് എഞ്ചിനുകള്‍‍ ഉപയോഗിച്ച് നോക്കിയിട്ടും ഈ പാട്ടിന്‍റെ കരോക്കെ മാത്രം എനിക്ക് കിട്ടിയില്ല. വേറെ ഏതെങ്കിലും പോരേ എന്നു ചോദിച്ച് രക്ഷപെടാന്‍ നോക്കിയെങ്കിലും കുട്ടി വിട്ടതുമില്ല. ഒടുവില്‍ യൂ ട്യൂബിലെ വീഡിയോ ഫയലായി സേവ് ചെയ്തിരിക്കുന്ന ഒരു കരോക്കെ ഗാനം എനിക്ക് കാണാന്‍ കഴിഞ്ഞു. പിന്നെയും പ്രശ്നം. എങ്ങനെ ഈ പാട്ടിന്‍റെ ഓഡിയോ മാത്രം കോപ്പി ചെയ്തെടുക്കും?

അതിനും സെര്‍ച്ച് തുടങ്ങി. ഒടുവില്‍ http://www.video2mp3.net/ എന്നൊരു സൈറ്റിന്‍റെ വിലാസം കിട്ടി. അവിടെ നേരിട്ട് യു.ആര്‍.എല്‍ കൊടുത്തപ്പോള്‍ ഓഡിയോയുടെ mp3 ഫയല്‍ download ചെയ്തെടുക്കാന്‍ സാധിച്ചു.

ഇന്‍റര്‍നെറ്റ് ഫെസിലിറ്റി ഉണ്ടെങ്കിലേ ഇക്കാര്യം ചെയ്യാനാകൂയെന്ന് പ്രത്യേകം പറയേണ്ടതില്ലല്ലോ.ഇക്കാര്യം സ്റ്റെപ്പ് ബൈ സ്റ്റെപ്പായി ഒന്നു പറയാം.

യൂ ട്യൂബിലെ വീഡിയോയ്ക്ക് താഴെയുള്ള Share ല്‍ ക്ലിക്ക് ചെയ്യുമ്പോള്‍ വരുന്ന യൂ.ആര്‍.എല്‍ കോപ്പി ചെയ്തെടുക്കുക.

യൂട്യൂബില്‍ നിന്നും ആ പാട്ടിന്‍റെ യൂ.ആര്‍.എല്‍ അഡ്രസ് ബാറില്‍ നിന്ന് നേരിട്ട് കോപ്പി ചെയ്തും എടുക്കാം.

ഇനി ആ യൂ.ആര്‍.എല്‍ http://www.video2mp3.net/ എന്ന സെറ്റിലെ Vedio URL ല്‍ നല്‍കുക.

Quality തെരഞ്ഞെടുത്ത ശേഷം Convert ബട്ടണില്‍ ക്ലിക്ക് ചെയ്താല്‍ അല്പസമയത്തിനകം Conversion successfully completed! എന്ന മെസ്സേജ് വരുന്നതാണ്

ഒപ്പം download mp3 എന്ന ലിങ്ക് ആക്ടീവാകുകയും ചെയ്യും.

ഇവിടെ നിന്നും mp3 file ഡൌണ്‍ലോഡ് ചെയ്തെടുക്കാം.

വീഡിയോ യൂ ട്യൂബില്‍ നിന്നായിരിക്കണമെന്നില്ല. ഏത് വീഡിയോ ഫയലിന്‍റേയും ഓഡിയോ കണ്‍വെര്‍ഷന്‍ നടക്കാന്‍ യു.ആര്‍.എല്‍ കൊടുത്താല്‍ മതി.

നിസ്സാരമെന്ന് തോന്നിപ്പിക്കുന്ന ഇത്തരമൊരു സംഗതി എന്തിനാണ് ഒരു പോസ്റ്റാക്കിയതെന്ന ചോദ്യം ചിലപ്പോള്‍ ഉയര്‍ന്നേക്കാം. പക്ഷെ, ഇതോ ഇതിനേക്കാള്‍ എളുപ്പമുള്ളതോ ആയ മറ്റ് മാര്‍ഗ്ഗങ്ങള്‍ നമ്മുടെ അധ്യാപകരില്‍ നിന്നോ മറ്റ് ബ്ലോഗര്‍മാരില്‍ നിന്നോ ലഭിച്ചേക്കാം. ചുരുക്കത്തില്‍ ചെറിയൊരു അറിവാണെങ്കിലും അത് പങ്ക് വെയ്ക്കുക എന്നത് തന്നെ ഉദ്ദേശ്യം. ഇതേക്കുറിച്ച് അറിയാവുന്നവര്‍ കൂടുതല്‍ വിവരങ്ങള്‍ പങ്കു വെക്കുമെന്ന് കരുതുന്നു. നമ്മുടെ വായനക്കാര്‍ക്ക് നല്ലൊരു റഫറന്‍സ് ആകട്ടെ ഈ പോസ്റ്റിലെ കമന്‍റുകള്‍.

ISM ഇല്ലാതെ മലയാളം വിന്‍ഡോസില്‍

2010-05-14T05:00:00.002+05:30

ലിനക്സില്‍ മലയാളം ടൈപ്പ് ചെയ്യുന്നത് എങ്ങനെയാണെന്നറിയാന്‍ പലരും താല്പര്യം പ്രകടിപ്പിച്ചതിന്‍റെ അടിസ്ഥാനത്തില്‍ അതേക്കുറിച്ച് നേരത്തെ തന്നെ ഒരു പോസ്റ്റ് പ്രസിദ്ധീകരിച്ചിരുന്നു. ഐ.എസ്.എം വഴി ടൈപ്പ് ചെയ്യുന്ന എല്ലാവര്‍ക്കും അതേ കീബോര്‍ഡ് ഉപയോഗിച്ചു തന്നെ ലിനക്സില്‍ ടൈപ്പ് ചെയ്യാന്‍ കഴിയും എന്നതിനെക്കുറിച്ചാണ് പ്രധാനമായും ആ പോസ്റ്റില്‍ വിശദീകരിച്ചിരുന്നത്. ഇതറിഞ്ഞപ്പോള്‍ പലരും സന്തോഷത്തോടെ ലിനക്സ് കൂടി സ്വന്തം സിസ്റ്റത്തില്‍ ഇന്‍സ്റ്റാള്‍ ചെയ്തു എന്നു കേട്ടതില്‍ വളരെയേറെ സന്തോഷമുണ്ട്. രചന, അഞ്ജലി ഓള്‍ഡ് ലിപി, മീര തുടങ്ങിയ യുണീക്കോഡ് ഫോണ്ടുകളുപയോഗിച്ചാണ് ഐ.എസ്.എം സോഫ്റ്റ് വെയറില്ലാതെ തന്നെ ലിനക്സില്‍ നമുക്ക് കൃത്യമായി മലയാളം ടൈപ്പ് ചെയ്യാന്‍ സാധിക്കുന്നത്. ഇതു പോലെ തന്നെ ഒരു സോഫ്റ്റ് വെയറിന്‍റേയും സഹായമില്ലാതെ തന്നെ വിന്‍ഡോസിലും നമുക്ക് മലയാളം ടൈപ്പിങ്ങ് ചെയ്യാവുന്നതേയുള്ളു. അങ്ങനെ വിന്‍ഡോസ് മാത്രം ഓപ്പറേറ്റിങ് സിസ്റ്റമായി ഉപയോഗിക്കുന്ന, ഐ.എസ്.എം കീബോര്‍ഡ് ഉപയോഗിച്ച് ടൈപ്പ് ചെയ്യാന്‍ അറിയാവുന്ന എല്ലാവരേയും കമന്‍റ് ബോക്സിലെ ചര്‍ച്ചകള്‍ക്ക് പ്രതീക്ഷിച്ചു കൊണ്ട് വിന്‍ഡോസില്‍ എങ്ങനെ മലയാളം ആക്ടീവാക്കാം എന്ന് നോക്കാം.

Start ല്‍ നിന്നും settings-Control panel-Regional Language Options എന്ന ക്രമത്തില്‍ തുറക്കുക
ഇവിടെ Install Files For Complex Script and right-to-left languages (including Thai) എന്ന വരിക്ക് തൊട്ട് ഇടതുവശത്തുള്ള കോളം ടിക് ചെയ്യുക - (ടിക് ഇല്ലെങ്കില്‍ മാത്രം)
OK കൊടുക്കുക.
ഈ സമയം ഏതാണോ ഓപ്പറേറ്റിങ് സിസ്റ്റം അതിന്‍റെ സി.ഡി ചോദിച്ചേക്കാം. സി.ഡി ഡ്രൈവില്‍ സി.ഡി നിക്ഷേപിച്ച് എന്‍റര്‍ ചെയ്യുക.
സി.ഡിയില്‍ നിന്നും ആവശ്യമായ ഫോണ്ടുകളും സെറ്റിങ്ങുകളും‍ ഇന്‍സ്റ്റാള്‍ ചെയ്യുന്ന പ്രക്രിയയാണ് ഈ സമയം നടക്കുക.
ഇന്‍സ്റ്റലേഷന്‍ വിജയകരമായി പൂര്‍ത്തിയാക്കുന്നതോടെ അടുത്ത ഘട്ടത്തിലേക്ക് പ്രവേശിക്കാം.
Control panel-Regional Language Options ലെ Details എന്ന ബട്ടണ്‍ ക്ലിക്ക് ചെയ്യുക
ഇപ്പോള്‍ തുറന്നു വരുന്ന ജാലകത്തിലെ Add എന്ന ബട്ടണില്‍ ക്ലിക്ക് ചെയ്യുക
Input Language List ല്‍ നിന്നും Malayalam (india) എന്നതാണ് തെരഞ്ഞെടുക്കേണ്ടത്
ഇതോടെ നിങ്ങളുടെ കമ്പ്യൂട്ടറിലും മലയാളം ആക്ടീവായി.
ഇനി ഏറ്റവും താഴെയുള്ള Task bar പാനലില്‍ MY എന്നോ EN എന്നോ വന്നിരിക്കുന്നത് കാണാന്‍ കഴിയും.
MY മലയാളവും EN ഇംഗ്ലീഷുമാണ്. ഭാഷ മാറ്റുന്നതിനായി മൌസ് ഉപയോഗിച്ച് അവിടെ ക്ലിക്ക് ചെയ്താല്‍ മതിയാകും. അല്ലെങ്കില്‍ Alt, Shift എന്നീ കീകള്‍ ഒരുമിച്ച് അമര്‍ത്തിയും ഭാഷ മാറ്റാവുന്നതാണ്.
ഇനി നിങ്ങളുടെ കമ്പ്യൂട്ടറിലെ ഓപ്പറേറ്റിങ് സിസ്റ്റം ഇന്‍സ്റ്റാള്‍ ചെയ്തിരിക്കുന്ന ഡ്രൈവിലെ (സാധാരണഗതിയില്‍ C ഡ്രൈവ് ആയിരിക്കും ) Windows എന്ന ഫോള്‍ഡറിലെ fonts ലേക്ക് യുണീകോഡ് ഫോണ്ടുകള്‍ കോപ്പി ചെയ്യണം. അതിനായി രചന, മീര എന്നീ ഫോണ്ടുകള്‍ കോപ്പി ചെയ്തെടുക്കുക. അറിയില്ലെങ്കില്‌‍ ഇവിടെ നിന്നും രചന ഇന്‍സ്റ്റാള്‍ ചെയ്താല്‍ മതി.
സിസ്റ്റം റീബൂട്ട് ചെയ്യുക. മാത്‍സ് ബ്ലോഗില്‍ കമന്‍റ് ചെയ്യാന്‍ തയ്യാറെടുക്കുക

പോസ്റ്റ് നിങ്ങള്‍ക്ക് ഉപകാരപ്പെട്ടോ ഇല്ലയോ? അഭിപ്രായങ്ങള്‍ കമന്റായി രേഖപ്പെടുത്തുമല്ലോ

INTEL 41 RQ മദര്‍ബോര്‍ഡും ലിനക്സും

2010-04-08T04:55:00.002+05:30

ഇന്റലിന്റെ 41 RQ മദര്‍ബോഡ് ഉള്ള പുതിയ ചില സിസ്റ്റങ്ങളില്‍ നമ്മുടെ ഐടി സ്കൂള്‍ ലിനക്സ് 3.2 വേര്‍ഷന്‍ ഇന്‍സ്റ്റാള്‍ ചെയ്തു കഴിഞ്ഞാല്‍, ഗ്രാഫിക്കലായി (GUI) കയറാന്‍ കഴിയുന്നില്ലെന്ന് പരാതിപ്പെട്ടുകൊണ്ടിരിക്കുന്നവരുടെ എണ്ണം വര്‍ദ്ധിച്ചുവരുന്നതായി കണ്ടപ്പോഴാണ് ഒരു പരിഹാരത്തിനായി വിദഗ്ദരുടെ സഹായം തേടിയത്. കിട്ടിയ പരിഹാരം, 'സ്കൂള്‍ ലിനക്സ് 3.8' ന്റേയും 'എഡ്യൂസോഫ്റ്റ് ലെന്നി'യുടേയും രണ്ടു ഡിവിഡികള്‍ സഹിതം കൊടുങ്ങല്ലൂരില്‍ 'ആരോ സിസ്റ്റംസ്' എന്ന സ്ഥാപനം നടത്തുന്ന സുനീതിന് കൈമാറി ഫലപ്രദമാണെന്നുറപ്പു വരുത്തിയതിനു ശേഷമാണ് ഇതു പോസ്റ്റ് ചെയ്യുന്നത്. ആ പരിഹാരമെന്തെന്നല്ലേ?....വായിക്കുക.

intel 41RQ Motherboardല്‍ 'സ്കൂള്‍ ലിനക്സ് 3.8' ഇന്‍സ്റ്റാള്‍ ആവും. ആദ്യം 'സ്കൂള്‍ ലിനക്സ് 3.8 ഇന്‍സ്റ്റാള്‍ ചെയ്യുക. ഗ്രാഫിക്കല്‍ മോഡ് ലഭിക്കുന്നില്ലെങ്കില്‍ command prompt(login എന്നു നില്‍ക്കുന്നിടത്ത്)ല്‍ root എന്ന് ടൈപ്പ് എന്റര്‍ ചെയ്ത് passwordനല്‍കുക. ഇനി 'എഡ്യൂസോഫ്റ്റ് ലെന്നി' ഉപയോഗിച്ച് കേര്‍ണലിനെ 2.6.30-bpo.1-686 ലേക്ക് update ചെയ്യണം. അതിനായി 'എഡ്യൂസോഫ്റ്റ് ലെന്നി' ഡിവിഡി, ഡ്രൈവിലിട്ട് apt-cdrom add എന്ന കമാന്റ് ടൈപ്പ് ചെയ്ത് എന്റര്‍ അടിക്കുക. Please insert a Disc in the drive and press enter ..... എന്ന് കാണുമ്പോള്‍ Enter ചെയ്യുക. apt-get install linux-image-2.6.30-bpo.1-686 എന്ന് ടൈപ്പ് ചെയ്ത് വീണ്ടും എന്റര്‍ അടിക്കുക. ശേഷം സിസ്റ്റം റീബൂട്ട് ചെയ്യാനുള്ള കമാന്റ് reboot ടൈപ്പ് ചെയ്ത് എന്റര്‍ അടിക്കുക. സിസ്റ്റം റീബൂട്ട് ചെയ്ത് വരുമ്പോള്‍ 2.6.30-bpo.1-686 എന്ന കേര്‍ണല്‍ വഴി ലോഡ് ചെയ്യുന്നു. ഇനി 3.8 സി.ഡി. , ഡ്രൈവിലിടുക.
apt-cdrom add Enter
tasksel Enter
Itschool linux മാര്‍ക്ക് ചെയ്ത് എന്റര്‍ ചെയ്യുക.
ഇടക്ക് Edusoft lenny ഡിവിഡി ആവശ്യപ്പെടുമ്പോള്‍ ഡ്രൈവിലിടുക.

ചില സന്ദര്‍ഭങ്ങളില്‍ GUI യില്‍ തന്നെ VGA , support ആവാത്ത പ്രശ്നം മാത്രമായി കാണുന്നുണ്ട് . അപ്പോള്‍ synaptic വഴി കേര്‍ണല്‍ update ചെയ്താല്‍ മതി. ഒരു OS ന്റെ ഒന്നിലധികം കേര്‍ണല്‍ grub ല്‍ വരുന്നത് ഒഴിവാക്കാന്‍ System-Administration-StartUP-Manager-Advanced ല്‍ Number of kernals to keep എന്നത് 1 എന്ന് നല്‍കിയാല്‍മതി. (Startup Manager കാണുന്നില്ലെങ്കില്‍ അതും സിനാപ്റ്റിക് വഴി ഇന്‍സ്റ്റാള്‍ ചെയ്യേണ്ടി വരും) gdm ഇന്‍സ്റ്റാള്‍ ആയിട്ടും GUI വരുന്നില്ലെങ്കില്‍ gdm റീസ്റ്റാര്‍ട്ട് ചെയ്യുക.
/etc/init.d/gdm restart

സിസ്റ്റത്തില്‍ നിന്നും സോഫ്റ്റ്‌വെയറിന്റെ Debain Package

2010-03-23T23:52:00.008+05:30

കേരളത്തിലെ സ്ക്കൂളുകളില്‍ സ്വതന്ത്രസോഫ്റ്റ്‌വെയര്‍ വിപ്ലവം ബഹുദൂരം പിന്നിട്ടു കഴിഞ്ഞു. ഈ വിപ്ലവത്തിനാകട്ടെ മുന്‍നിരയില്‍ നിന്ന് നേതൃത്വം നല്‍കിയത് ഐടി@സ്ക്കൂളില്‍ പ്രവര്‍ത്തിക്കുന്ന കേരളത്തിലെ മാസ്റ്റര്‍ട്രെയിനര്‍മാരായിരുന്നു. നമുക്കൊപ്പം പ്രവര്‍ത്തിക്കുന്ന അധ്യാപകര്‍ തന്നെയാണ് മാസ്റ്റര്‍ട്രെയിനര്‍മാരായി പ്രവര്‍ത്തിച്ചു പോരുന്നത്. അതുകൊണ്ട് ഇവരുടെയെല്ലാം നേട്ടങ്ങള്‍ അധ്യാപകലോകത്തിന്റേതു തന്നെയാണ്. അവരുടെ അന്വേഷണങ്ങളില്‍, ആകസ്മികമായി ശ്രദ്ധയില്‍പ്പെട്ട, വിഷയങ്ങളില്‍ പലതും മാത്‌സ് ബ്ലോഗിലൂടെ ചര്‍ച്ച ചെയ്യപ്പെട്ടിട്ടുണ്ട്. അത്തരത്തില്‍പ്പെട്ട, സ്ക്കൂള്‍ ലിനക്സ് ഉപയോഗിക്കുന്ന ഏവര്‍ക്കും ഉപകാരപ്രദമാകുന്ന ഒരു വിഷയമാണ് ഇന്നിവിടെ ചര്‍ച്ച ചെയ്യപ്പെടുന്നത്. ഒരു ഉദാഹരണത്തില്‍ നിന്നും തുടങ്ങാം. ഗണിതപഠനത്തിന് സഹായിക്കുന്ന ജിയോ ജിബ്ര സോഫ്റ്റ്വെയര്‍ നമുക്ക് മറ്റൊരു സിസ്റ്റത്തില്‍ ഇന്‍സ്റ്റാള്‍ ചെയ്യണമെന്നുണ്ട്, പക്ഷെ അതിനാവശ്യമായ സോഫ്റ്റ്വെയര്‍ പാക്കേജ് സി.ഡി നമ്മുടെ കയ്യിലില്ല. എന്താണൊരു മാര്‍ഗം? ജിയോജിബ്ര ഉള്ള സിസ്റ്റത്തില്‍ താഴെ പറയുന്ന സ്റ്റെപ്പുകള്‍ ചെയ്താല്‍ നമുക്ക് അതിന്റെ ഡെബിയന്‍ പാക്കേജ് ഉണ്ടാക്കിയെടുക്കാം. ഇത് ജിയോജിബ്ര മാത്രമല്ല, ലിനക്സില്‍ ഇന്‍സ്റ്റാള്‍ ചെയ്തിരിക്കുന്ന ഏത് സോഫ്റ്റ്വെയറിന്റേയും ഡെബിയന്‍ പാക്കേജ് ഇതുപോലെ നമുക്ക് പുനഃസൃഷ്ടിക്കാം. ഇതിനെക്കുറിച്ചുള്ള പോസ്റ്റ് തയ്യാറാക്കിയിരിക്കുന്നത് മലപ്പുറം ഐ.ടി@സ്ക്കൂള്‍ പ്രൊജക്ടിലെ പ്രതിഭാധനരായ രണ്ട് മാസ്റ്റര്‍ ട്രെയിനര്‍മാരായ അബ്ദുള്‍ ഹക്കീം, ഹസൈനാര്‍ മങ്കട എന്നിവര്‍ ചേര്‍ന്നാണ്. നമ്മുടെ ബ്ലോഗില്‍ പ്രത്യേകിച്ചൊരു ആമുഖത്തിന്റെ ആവശ്യമില്ലാത്തവരാണ് ഇവര്‍ രണ്ട് പേരും. നമ്മുടെ ഈ സംരംഭത്തെ പ്രോത്സാഹിപ്പിക്കാന്‍ എന്നുമെപ്പോഴും സന്നദ്ധത കാണിച്ചിട്ടുള്ള ഇവര്‍ക്ക് നന്ദി പറഞ്ഞു കൊണ്ട് ലേഖനത്തിലേക്ക് നമുക്കൊന്നു കണ്ണോടിക്കാം.

സിസ്റ്റത്തില്‍ ഇന്‍സ്റ്റാള്‍ ചെയ്തിരിക്കുന്ന ഒരു ഡെബിയന്‍ പാക്കേജിനെ സിറ്റത്തില്‍ നിന്നും പാക്കേജാക്കി മാറ്റി (പുനഃസൃഷ്ടിച്ച്) പുറത്തേക്കെടുക്കാന്‍ സഹായിക്കുന്ന CLI ടൂള്‍ ആണ് dpkg-repack. നമ്മുടെ കയ്യിലുള്ള software CD നഷ്ടപ്പെട്ടാലും സിസ്റ്റത്തില്‍ ഇന്‍സ്റ്റാള്‍ ചെയ്തിട്ടുണ്ടെങ്കില്‍ അവ പുനഃസൃഷ്ടിക്കാന്‍ ഈ ടൂള്‍ വളരെ ഉപകാരപ്രദമാണ്.
താഴെയുള്ള ലിങ്കില്‍ നിന്നും ഈ പാക്കേജ് ഡൌണ്‍ലോഡ് ചെയ്യാവുന്നതാണ്.

dpkg-repack_1.32_all.deb

right click-Open with Gdebi package installer വഴി ഇന്‍സ്റ്റാള്‍ ചെയ്യുക. dependencies satisfactory അല്ല എന്ന മെസേജ് വരികയാണെങ്കില്‍ Edusoft CD ഇന്‍സ്റ്റാള്‍ ചെയ്തതിന് ശേഷം dpkg-repackഇന്‍സ്റ്റാള്‍ ചെയ്യുക. ഇതിന്റെ debian 5.0 വേര്‍ഷന്‍ Edusoft Lenny യില്‍ ഉള്‍പ്പെടുത്തിയിട്ടുണ്ട്.

റീപാക്ക് ചെയ്യുന്ന വിധം
root ആയി login ചെയ്യുക. terminal തുറക്കുക.
dpkg-repack packagename എന്ന command type ചെയ്ത് എന്റര്‍ ചെയ്യുക.
Ex:- tuxpaint എന്ന പാക്കേജിനെ repack ചെയ്യണമെങ്കില്‍....
dpkg-repack tuxpaint എന്നാണ് command നല്കേണ്ടത്. എന്റര്‍ ചെയ്തു കഴിഞ്ഞാല്‍ ഹോം ഫോള്‍ഡറിലാണ് പാക്കേജ് create ചെയ്യുക. പാക്കേജ് ലഭിച്ചാല്‍ അതിന് right click -properties വഴി എല്ലാ permission ഉം നല്‍കേണ്ടതാണ്. അല്ലെങ്കില്‍ മറ്റ് യൂസര്‍ക്ക് അത് ഇന്‍സ്റ്റാള്‍ ചെയ്യാന്‍ സാധിക്കില്ല. command നല്കുമ്പോള്‍ package name എന്നത് വളരെ ശ്രദ്ധിക്കണം. Menu വില്‍ കാണുന്ന പേരല്ല ടൈപ്പ് ചെയ്യേണ്ടത്. Synaptic Package Manager ല്‍ എന്താണോ പേര്‍ കാണുന്നത് , ആ പേരാണ് package name ആയി നല്‍കേണ്ടത്.

NetworkManager Applet

നെറ്റ് വര്‍ക്ക് കോണ്‍ഫിഗര്‍ ചെയ്യാന്‍ അത്യാവശ്യമായ tool ആണല്ലോ nm-applet. ലാപ് ടോപ്പില്‍ വയര്‍ലെസ് നെറ്റ് വര്‍ക്ക് കോണ്‍ഫിഗര്‍ ചെയ്യാന്‍ ഇത് അത്യാവശ്യമാണ്. 3.2 വേര്‍ഷന്‍ ഉപയോഗിക്കുന്നവര്‍ക്ക് പുതിയ യൂസറില്‍ നെറ്റ് വര്‍ക്ക് കോണ്‍ഫിഗര്‍ ചെയ്യാന്‍ nm-applet പാനലില്‍ add ചെയ്യാന്‍ കഴിയാതെ വരാറുണ്ട്. 3.2 വേര്‍ഷനില്‍ root നും default user ക്കും (ഇന്‍സ്റ്റാള്‍ ചെയ്യുമ്പോള്‍ create ചെയ്യുന്ന user) മാത്രമേ nm-applet ഉപയോഗിക്കാനുള്ള permission നല്‍കിയിട്ടുള്ളൂ. അത്കൊണ്ടാണ് പുതിയ യൂസര്‍ക്ക് nm-applet ലഭിക്കാത്തത്. എന്നാല്‍ lenny (3.8) യില്‍ എല്ലാ യൂസര്‍ക്കും ഈ permission നല്‍കിയിട്ടുണ്ട്.

nm-applet പാനലിലേക്ക് Add ചെയ്യുന്ന വിധം

പുതിയയൂസറിലേക്കും nm-applet ഉള്‍പ്പെടുത്താം. അതിനായി Desktop- Administration-Users and Groups ക്ലിക്ക് ചെയ്യുക.
Groups എന്ന ടാബില്‍ ക്ലിക്ക് ചെയ്യുമ്പോള്‍ ലഭിക്കുന്ന ലിസ്റ്റില്‍ നിന്നും netdev എന്ന ഗ്രൂപ്പില്‍ ക്ലിക്ക് ചെയ്ത് അതിന്റെ properties ല്‍ പ്രവേശിക്കുക. netdev ഗ്രൂപ്പിന്റെ group members ന്റെ ലിസ്റ്റിലേക്ക് ഇടത് വശത്ത് കാണുന്ന Allusers ലിസ്റ്റില്‍ നിന്നുംAdd വഴി പുതിയ യൂസറെ ഉള്‍പ്പെടുത്തുക. OK ക്ലിക്ക് ചെയ്ത് സിസ്റ്റം റീബൂട്ട് ചെയ്യുക.

നിലവിലുള്ള nm-applet നഷ്ടപ്പെട്ടാല്‍ Alt+F2 എന്റര്‍ ചെയ്യുമ്പോള്‍ ലഭിക്കുന്ന Run Application വിന്‍ഡോയില്‍ nm-applet എന്ന് ടൈപ്പ് ചെയ്ത് എന്റര്‍ ചെയ്യുക. അല്ലെങ്കില്‍ ഹോം ഫോള്‍ഡറിലെ hidden folders ഡീലിറ്റ് ചെയ്ത് റീബൂട്ട് ചെയ്താലും മതി.

ലിനക്സ് ഉപയോഗിച്ച്‍ പെന്‍ഡ്രൈവ് വൈറസുകളെ നീക്കാം

2010-03-08T05:00:00.005+05:30

കമ്പ്യൂട്ടര്‍ ഉപയോഗിക്കുന്ന സാധാരണക്കാരന്റെ സന്തത സഹചാരിയാണല്ലോ പെന്‍ഡ്രൈവുകള്‍. ലിനക്സ് അല്ലാത്ത പല ഓപ്പറേറ്റിംഗ് സിസ്റ്റത്തിലും കയറി ഇറങ്ങുമ്പോള്‍ മിക്കവാറും നമ്മുടെ പെന്‍ഡ്രൈവുകള്‍ വൈറസുകളടക്കമുള്ള exe ഫയലുകളെക്കൊണ്ട് നിറഞ്ഞിട്ടുണ്ടാവും. പലപ്പോഴും ലിനക്സ് വഴിയാണ് നാം ഇവയെ ഡീലിറ്റ് ചെയ്യാറുള്ളത്. ഓരോ ഫോള്‍ഡറിനകത്തും ഇവ ഒളിച്ചിരിപ്പുണ്ടാവും. ഇവയെ കണ്ടുപിടിച്ച് ഡീലിറ്റ് ചെയ്യുന്നത് വളരെ സമയമെടുത്ത് ചെയ്യേണ്ട പ്രവൃത്തിയാണ്. ഒന്നിച്ച് ഇവയെ കളയാന്‍ എന്തെങ്കിലും വഴിയുണ്ടോ? നമ്മുടെ ഹസൈനാര്‍ മങ്കടയുടെ അന്വേഷണത്തില്‍ കണ്ടെത്തിയ താഴെയുള്ള രീതി പ്രയോഗിച്ചു നോക്കൂ.....

പെന്‍ഡ്രൈവില്‍ റൈറ്റ് ക്ലിക്ക് ചെയ്യുക.- Open in terminal
സൂപ്പര്‍ യൂസറായി ചെയ്താലാണ് പെര്‍മിഷന്‍ ലഭിക്കുക. അതിനായി
suഎന്ന് ടൈപ്പ് ചെയ്ത് എന്റര്‍ ചെയ്യുക.
Root password നല്‍കുക.
താഴെയുള്ള കമാന്റ് കോപ്പി ചെയ്ത് പേസ്റ്റ് ചെയ്ത് എന്റര്‍ ചെയ്യുക.
find . -name '*.exe' -exec rm -v {} \;
ഇങ്ങനെ ചെയ്യുമ്പോള്‍ exe പേരുകളുള്ള ഫോള്‍ഡറുകള്‍ ഡീലിറ്റ് ആവില്ല. അവ കളയാന്‍ താഴെയുള്ള കമാന്റ് ഉപയോഗിക്കാം. മലയാളിയായ ബിന്നി. വി.എ (കൊച്ചി) ആണ് താഴെയുള്ള കമാന്റ് ക്രിയേറ്റ് ചെയ്തിരിക്കുന്നത്.
find . -name "*.exe" -delete
(ഈ കമാന്റുകള്‍ നല്കുമ്പോള്‍ exe എന്ന ഫയല്‍നാമമുള്ള എല്ലാ ഫയലുകളും ഡീലിറ്റ് ആവുന്നതിനാല്‍ പെന്‍ഡ്രൈവില്‍ നിന്ന് നമുക്ക് ആവശ്യമുള്ള exe ഫയലുകള്‍ കോപ്പി ചെയ്ത് സൂക്ഷിക്കുന്നത് നന്നായിരിക്കും.)
കൂടുതല്‍ വിവരങ്ങള്‍ വേണ്ടവര്‍ക്ക് ഇവിടെ ക്ലിക്ക് ചെയ്യാം.
പോസ്റ്റ് ഉപകാരപ്പെട്ടവരും, സംശയങ്ങള്‍ തീരാത്തവരും കമന്റുവഴി അറിയിക്കാന്‍ മറക്കല്ലേ..!

SSLC IT Practical Examination-2010

2010-02-19T13:25:00.007+05:30

ഈ വര്‍ഷത്തെ ഐ.ടി പ്രാക്ടിക്കല്‍ പരീക്ഷയില്‍ ശക്തമായ സഹായസാന്നിദ്ധ്യമായിരുന്നു മലപ്പുറത്തെ മാസ്റ്റര്‍ട്രെയിനറായ ഹസൈനാര്‍ മങ്കട. ഐ.ടി പ്രാക്ടിക്കല്‍ പരീക്ഷാ ഇന്‍സ്റ്റാള്‍ ചെയ്യുന്നതിന് മാനുവലായി ചെയ്യുന്ന എല്ലാ കാര്യങ്ങളും ഒരൊറ്റ കമാന്റില്‍ ഒതുക്കിയതോടെ പരീക്ഷാ സി.ഡി ഇന്‍സ്റ്റലേഷന്‍ എല്ലാവര്‍ക്കും വളരെ എളുപ്പത്തില്‍ ചെയ്യാന്‍ കഴിയുന്ന ഒന്നായി മാറി. മുന്‍ പരീക്ഷകളിലെല്ലാം പുതിയ യൂസറെ ക്രിയേറ്റ് ചെയ്ത് ഈ കമാന്റ് നിര്‍ദ്ദിഷ്ട രീതിയില്‍ റണ്‍ ചെയ്യിക്കുമ്പോഴേക്കും പഴയ പരീക്ഷകള്‍ ഓട്ടോമാറ്റിക് ആയി അണ്‍ ഇന്‍സ്റ്റാള്‍ ആകുന്നതുമെല്ലാം അത്ഭുതത്തോടെ നമ്മള്‍ കണ്ടു. അതുകൊണ്ടു തന്നെ ഞങ്ങളുടെ ബ്ലോഗ് ടീമിലെ പല അംഗങ്ങള്‍ക്കും എസ്.എസ്.എല്‍.സി ഇന്‍സ്റ്റലേഷന്‍ കമാന്റ് ഉടനെ പബ്ലിഷ് ചെയ്യണമെന്ന് ആവശ്യപ്പെട്ടു കൊണ്ട് ഫോണ്‍കോളുകള്‍ വന്നിരുന്നു. അധ്യാപകരുടെ ആവശ്യം മനസ്സിലാക്കി ഒട്ടും വൈകാതെ തന്നെ 3.2, 3.8 വേര്‍ഷനുകളിലേക്കാവശ്യമായ കമാന്റുകള്‍ അദ്ദേഹം അയച്ചു തന്നു. താഴെയുള്ള ലിങ്കില്‍ നിന്നും ഈ കമാന്റുകള്‍ ഡൗണ്‍ലോഡ് ചെയ്തെടുക്കാം. 3.2,3.8 എന്നിവയ്ക്കു വേണ്ടിയുള്ള കമാന്റുകള്‍ ലിങ്കില്‍ ഉള്ള സിപ്പ്ഡ് ഫോള്‍ഡറില്‍ ഉണ്ട്.

File based ഇന്‍സ്റ്റലേഷനുള്ള (pen drive വഴി കോപ്പി ചെയ്തുള്ള ) Command

Home ലുള്ള images, Documents, exam, itexam debs എന്നീ ഫയലുകള്‍ delete ചെയ്യുക. Syanaptic Package Manager ല്‍ നിന്ന് പഴയ IT Exam Complete remove ചെയ്യുക.

യൂസര്‍ ആയി ലോഗിന്‍ ചെയ്യുക. (പുതിയത് നിര്‍മ്മിക്കുന്നത് ഉചിതം)സി.ഡിയിലുള്ള itexam-debs എന്ന ഫോള്‍ഡര്‍ പെന്‍ഡ്രൈവ് വഴിയോ, മറ്റോ കോപ്പി ചെയ്ത് Home ഫോള്‍ഡറില്‍ പേസ്റ്റ് ചെയ്യുക. ഇവിടെ നിന്നും File Based Installation_final_2010 എന്ന ഫയല്‍ ഡെസ്ക്ടോപ്പിലേക്ക് ഡൌണ്‍ലോഡ് ചെയ്ത് അതിലുള്ള Inst_Command_SSLC_10.txt എന്ന ഫയലിലെ command കോപ്പി ചെയ്ത് Applications-Accessories വഴി Root Terminal ല്‍ പേസ്റ്റ് ചെയ്ത് എന്റര്‍ ചെയ്യുക. Exam റണ്‍ ചെയ്യിക്കാനായി Applications-Accessories-IT Practical Exam ക്ലിക്ക് ചെയ്യുക.

(itexam-debs ഫോള്‍ഡര്‍ Paste ചെയ്ത user ല്‍ നിന്ന് തന്നെ വേണം command excecute ചെയ്യാന്‍. Inst_Command_SSLC_10.txt എന്ന ഫയല്‍ Text Editor ല്‍ തന്നെ Open ചെയ്യുക.)

പരീക്ഷ root ല്‍ ചെയ്യരുത്. ഒരു പുതിയ യൂസറെ create ചെയ്ത് അതില്‍ പരീക്ഷ നടത്തുകയാണ് വേണ്ടത്.

3.8 ഉപയോഗിക്കുന്നവര്‍ Root ആയി ലോഗിന്‍ ചെയ്ത് പരീക്ഷ ഇന്‍സ്റ്റാള്‍ ചെയ്യരുത്. 3.8 നുള്ള .sh ഫയലിന് root ല്‍ റണ്‍ ചെയ്യാനുള്ള permission നല്‍കിയിട്ടില്ല.

കൂടാതെ ഏത് രീതിയിലായും 3.8 ല്‍ പരീക്ഷ ഇന്‍സ്റ്റാള്‍ ചെയ്യുമ്പോള്‍ Home ലുള്ള images, Documents, exam, itexam debs എന്നീ ഫയലുകള്‍ നിര്‍ബന്ധമായും delete ചെയ്യണം. ഒപ്പം Syanaptic Package Manager ല്‍ നിന്ന് പഴയ IT Exam Complete remove ചെയ്യുകയും വേണം

താഴെ പറയുന്ന രീതിയിലും 3.8 ല്‍ പരീക്ഷ ഇന്‍സ്റ്റാള്‍ ചെയ്യാം.

പരീക്ഷാ CD യിലുള്ള install_files_ITexam3.8 എന്ന ഫോള്‍ഡര്‍ Home ല്‍ paste ചെയ്യുക. File basedcommand_3.8.1.text എന്ന ഫയലിലെ Command കോപ്പി ചെയ്ത് Root terminal ല്‍ പേസ്റ്റ് ചെയ്ത് എന്റര്‍ ചെയ്യുക.

എട്ട്-ഒന്‍പത് ഐ.ടി. ആനുവല്‍ പ്രാക്ടിക്കല്‍ പരീക്ഷ.

2010-02-10T04:00:00.004+05:30

എട്ട്, ഒന്‍പത് ക്ലാസ്സുകളിലേക്കുള്ള ആനുവല്‍ ഐ.ടി പ്രാക്ടിക്കല്‍ പരീക്ഷയുടെ ഇന്‍വിജിലേറ്റര്‍ കോഡും പാസ്സ്വേഡും ഇതിനോടകം മെയില്‍ വഴി ലഭിച്ചുകാണുമല്ലോ..? അര്‍ദ്ധവാര്‍ഷിക പരീക്ഷയ്ക്ക് ഉപയോഗിച്ച അതേ സി.ഡി. ഉപയോഗിച്ചുതന്നെയാണ് ഈ പരീക്ഷയും നടത്തേണ്ടത്. ഫെബ്രുവരി 15ന് തുടങ്ങി മാര്‍ച്ച് 31 നകം തീര്‍ത്താല്‍ മതിയെന്നാണ് നിര്‍ദ്ദേശമെങ്കിലും, പരമാവധി നേരത്തേ തീര്‍ത്ത് സ്വസ്ഥമാകാനാകും അധികം പേരുടേയും ശ്രമം. ഇല്ലെങ്കില്‍ ഫെബ്രുവരി 24 ന് ആരംഭിക്കുന്ന എസ്.എസ്.എല്‍.സി ഐ.ടി പ്രാക്ടിക്കല്‍ പരീക്ഷയ്ക്ക് വേണ്ടി എട്ട്-ഒന്‍പത് പരീക്ഷ അണ്‍-ഇന്‍സ്റ്റാള്‍ ചെയ്യേണ്ടി വരും. അതുകൊണ്ട് തന്നെ എട്ട് ദിവസങ്ങള്‍ക്കുള്ളില്‍ ഈ പരീക്ഷ തീര്‍ക്കുന്നതാകും അഭികാമ്യം. എന്തായാലും, ഇപ്പോള്‍ നടന്നുകൊണ്ടിരിക്കുന്ന പത്താം ക്ലാസ്സിലെ മോഡല്‍ പരീക്ഷയ്ക്ക് നമ്മുടെ ബ്ലോഗില്‍ പ്രസിദ്ധീകരിച്ച ഹസൈനാര്‍ മങ്കടയുടെ കമാന്റ് ഉപകാരപ്പെട്ടെന്ന് അറിയിച്ചവര്‍ക്ക് കയ്യും കണക്കുമില്ല! ഇത്തവണയും അത് വേണമെന്ന് ഒട്ടനവധിപേര്‍ ആവശ്യപ്പെട്ടിരുന്നു. വളരെ നേരത്തേതന്നെ അദ്ദേഹം ഇത് റെഡിയാക്കി അയച്ചു തന്നിരുന്നു. ഇനി അദ്ദേഹത്തിന്റെ വിവരണങ്ങളിലേക്ക്.........

നേരത്തേയുണ്ടായിരുന്ന കമാന്റില്‍ വേണ്ട മാറ്റങ്ങള്‍ വരുത്തിയാണ് അദ്ദേഹം പുതിയ കമാന്റ് തയ്യാറാക്കിയിരിക്കുന്നത്. യൂസറിന്റെ പേര്‍ എന്തായാലും അത് sources.listല്‍ താനെ എഴുതിച്ചേര്‍ക്കുന്നവെന്നത് modify ചെയ്ത command ന്റെ പ്രത്യേകത തന്നെയാണ്. ആദ്യാവസാനമുള്ള നിര്‍ദ്ദേശങ്ങള്‍ വ്യക്തമായി വായിക്കുന്നത് നമ്മുടെ ജോലി എളുപ്പമാക്കും. SSLC Model IT Practical പരീക്ഷയുടെ മാര്‍ക്കുകളെല്ലാം എക്സ്പോര്‍ട്ട് ചെയ്ത് ഫോള്‍ഡര്‍ കോപ്പിയെടുക്കുകയും പ്രിന്റെടുക്കുകയുമൊക്കെ ചെയ്തിട്ടുണ്ടല്ലോ. എങ്കില്‍ ശരി, ഇനി നമുക്ക് എട്ട്, ഒന്‍പത് ക്ലാസുകളിലേക്കുള്ള ഐ.ടി പ്രാക്ടിക്കല്‍ പരീക്ഷ ഇന്‍സ്റ്റാള്‍ ചെയ്യാം. ഒരു കാര്യം ശ്രദ്ധിക്കുക. 'Exam' root ല്‍ ചെയ്യരുത്

ആദ്യമായി ഒരു പുതിയ യൂസറെ ക്രിയേറ്റ് ചെയ്തശേഷം (ഉദാ: eight2010) നമ്മുടെ അര്‍ദ്ധവാര്‍ഷിക പരീക്ഷാ സി.ഡിയിലുള്ള itexam-debs എന്ന ഫോള്‍ഡര്‍ പെന്‍ഡ്രൈവ് വഴിയോ, മറ്റോ കോപ്പി ചെയ്ത് ഈ യൂസറുടെ Home ഫോള്‍ഡറില്‍ (ഉദാ: eight2010's Home) പേസ്റ്റ് ചെയ്യുക. ഇവിടെ ക്ലിക്കു ചെയ്ത് File based Command_8_9.txt എന്ന ഫയലിലെ command കോപ്പി ചെയ്ത് Aplications-Accessories വഴി Root Terminal ല്‍ പേസ്റ്റ് ചെയ്ത് എന്റര്‍ ചെയ്യുക. (Root Password നല്‍കേണ്ടി വരും). ശരി. ഇന്‍സ്റ്റലേഷന്‍ കംപ്ലീറ്റഡ്.

Exam റണ്‍ ചെയ്യിക്കാനായി Aplications-Accessories-IT Practical Exam ക്ലിക്ക് ചെയ്യുക. (itexam-debs ഫോള്‍ഡര്‍ Paste ചെയ്ത user ല്‍ നിന്ന് തന്നെ വേണം command excecute ചെയ്യാന്‍. File based Command_8_9.txt എന്ന ഫയല്‍ Text Editor ല്‍ തന്നെ Open ചെയ്യുക.)

നേരത്തെയുള്ള user ല്‍ തന്നെ പരീക്ഷ നടത്താന്‍ ഉദ്ദേശിക്കുന്നവര്‍ itexam മായി ബന്ധപ്പെട്ട എല്ലാ പഴയ ഫോള്‍ഡറുകളും ഫയലുകളും (itexam-debs അടക്കം) Home ല്‍ നിന്ന് delete ചെയ്യേണ്ടതാണ്.

കേരളീയ പുഷ്പങ്ങള്‍ ടക്സ് പെയിന്റില്‍..!

2010-02-08T05:00:00.003+05:30

എറണാകുളം ജില്ലയിലെ, തൃപ്പൂണിത്തുറയ്ക്കടുത്തുള്ള ഇരുമ്പനം ഹൈസ്കൂളിലെ അധ്യാപകരായ എം.ആര്‍. സനല്‍കുമാറും, തോമസ് യോയാക്ക് സാറും ഐ.ടി. യില്‍, പ്രത്യേകിച്ച് സ്വതന്ത്ര സോഫ്റ്റ്വെയറില്‍ അവഗാഹമുള്ള ഞങ്ങളുടെ സുഹൃത്തുക്കളാണ്. വര്‍ഷങ്ങള്‍ക്കു മുമ്പ്, സമ്പൂര്‍ണ്ണമായും മലയാളത്തില്‍ ഒരു മികച്ച വെബ്സൈറ്റ് തയ്യാറാക്കുക മാത്രമല്ല, കൃത്യമായി അത് അപ്ഡേറ്റ് ചെയ്ത് കൊണ്ടുപോകുകയും ചെയ്യുന്നതിലൂടെ അഭിനന്ദനാര്‍ഹമായ മികവുകാണിക്കുന്ന ഈ സ്കൂളില്‍ സംസ്ഥാനത്ത് ഒരു പക്ഷേ ആദ്യമായി ഒരു ഫ്രീ സോഫ്റ്റ്വെയര്‍ ഗ്രൂപ്പ് കുട്ടികളുടെ നേതൃത്വത്തില്‍ പ്രവര്‍ത്തിക്കുകയും ചെയ്യുന്നുണ്ട്. ഇതിനെല്ലാം നേതൃത്വം കൊടുക്കുന്ന ഈ അധ്യാപകരുടെ മികവ് വേണ്ടത്ര ശ്രദ്ധിക്കപ്പെട്ടിട്ടുണ്ടോയെന്ന് സംശയമാണ്. കേരളത്തില്‍ കാണപ്പെടുന്ന നാടന്‍ പൂവുകളുടെ ഒരു ശേഖരം അവര്‍ നമുക്കായി സമ്മാനിക്കുകയാണിവിടെ. സ്കൂള്‍ ഗ്നൂ ലിനക്സില്‍ ഉള്‍പ്പെട്ട, കുട്ടികള്‍ക്ക് വളരെ താത്പര്യമുള്ള ഒരു പെയിന്റ് സോഫ്റ്റ്വെയറായ ടക്സ് പെയിന്റിലാണ് ഇവര്‍ സമ്മാനിക്കുന്ന ഈ ചിത്രങ്ങള്‍ വിടര്‍ന്നു വരുന്നത്. ഇനി, അവരുടെ വാക്കുകളിലേക്ക്.....

ചിത്രരചനയില്‍ താല്പര്യമില്ലാത്തവര്‍ക്കു കൂടി വരയ്ക്കാന്‍ തോന്നിപ്പിക്കുന്ന വിധം ആകര്‍ഷകമാണ് ടക്സ്പെയിന്റിന്റെ ഘടന. ടക്സ്പെയിന്റ് ഉപയോഗിച്ച് ചിത്രങ്ങള്‍ വരച്ചിട്ടുള്ളവരെല്ലാം സ്റ്റാമ്പ് ടൂള്‍ തീര്‍ച്ചയായും ഉപയോഗിച്ചിട്ടുണ്ടാവണം. വിവിധ വലിപ്പത്തില്‍ ചിത്രങ്ങള്‍ ക്യാന്‍വാസില്‍ പതിപ്പിക്കാന്‍ സഹായിക്കുന്നതാണ് ഈ ടൂള്‍. വിവിധ സ്റ്റാമ്പുകളില്‍ ക്ലിക്കു ചെയ്യുമ്പോള്‍ ചിത്രത്തിന്റെ പേര് താഴെ ഇംഗ്ലീഷില്‍ എഴുതി കാണിക്കാറുണ്ടല്ലോ. ചിത്രത്തില്‍ ക്ലിക്കുചെയ്യുമ്പോള്‍ ശബ്ദവും കേള്‍ക്കാം. കേരളത്തിലെ പൂക്കളും പച്ചക്കറികളുമെല്ലാം ഇക്കൂട്ടത്തില്‍ കണ്ടിട്ടില്ലല്ലോ. അതിനുള്ള ശ്രമമാണ് ഞങ്ങള്‍ തുടങ്ങി വയ്ക്കുന്നത്. കേരളത്തിലെ പൂക്കളും പഴങ്ങളുമെല്ലാം ടക്സ്പെയിന്റില്‍ സ്റ്റാമ്പുകളായി ഉള്‍പ്പെടുത്താനുള്ള ശ്രമം. മുക്കുറ്റിപ്പൂവിന്റെ ചിത്രത്തില്‍ ക്ലിക്കു ചെയ്യുമ്പോള്‍ മുക്കുറ്റിപ്പൂവ് എന്ന ശബ്ദം കേള്‍ക്കാം. മുക്കുറ്റി എന്ന് മലയാളത്തില്‍ എഴുതികാണിക്കുകയും ചെയ്യും. എന്തൊക്കെയാണിതിനു ചെയ്യേണ്ടത് ?

ചുരുക്കി സൂക്ഷിച്ചിരിക്കുന്ന ഫോള്‍ഡര്‍ ഇവിടെ നിന്നും ഡൌണ്‍ലോഡു ചെയ്യുക. ആര്‍ക്കൈവ് മാനേജര്‍ (archive manager) ഉപയോഗിച്ച് അത് നിവര്‍ത്തുക. യൂസറുടെ ഹോം ( user’s home ) ഫോള്‍ഡറിനകത്ത് .tuxpaint ( ഡോട്ട് ടക്സ്പെയിന്റ് ) എന്ന ഫോള്‍ഡര്‍ നിര്‍മ്മിക്കുക.(ടക്സ്പെയിന്റ് ഉപയോഗിച്ച് മുന്‍പ് ചിത്രങ്ങള്‍ വരച്ചിട്ടുണ്ടെങ്കില്‍ നിങ്ങളുടെ ഹോം ഫോള്‍ഡറിനുള്ളില്‍ .tuxpaint എന്ന ഫോള്‍ഡര്‍ ഉണ്ടാവും. ഹോം ഫോള്‍ഡര്‍ തുറന്ന് അതിനകത്ത് ctrl കീയും h എന്ന കീയും ഒരുമിച്ചമര്‍ത്തുക.അപ്പോള്‍ .tuxpaint എന്ന ഫോള്‍ഡര്‍ ഉണ്ടെങ്കില്‍ അതു തുറക്കുക) അതു തുറന്ന് അതിനകത്ത് stamps എന്ന മറ്റൊരു ഫോള്‍ഡര്‍ നിര്‍മ്മിച്ച് അതിനകത്തേക്ക് നിവര്‍ത്തിയ ഫോള്‍ഡര്‍ പകര്‍ത്തുക. ഫോള്‍ഡറിനു പേരു നല്കിയപ്പോള്‍ പേരിനു മുമ്പ് ഡോട്ട് നല്കിയതെന്തിനെന്നറിയുമോ ? ഗ്നു ലിനക്സിലെ രഹസ്യഫോള്‍ഡറുകളെല്ലാം (hidden directories ) ഡോട്ടിലാണു ( . ) തുടങ്ങുന്നത്. കീബോര്‍ഡിലെ കണ്‍ട്രോള്‍ ( control ) , എച്ച് ( h ) എന്നീ കട്ടകള്‍ അമര്‍ത്തുമ്പോള്‍ രഹസ്യഫോള്‍ഡറുകളെല്ലാം ദൃശ്യമാകുന്നു. ഒരിക്കല്‍ കൂടി ഇതേ കട്ടകളമര്‍ത്തിയാല്‍ രഹസ്യ ഫോള്‍ഡറുകളെല്ലാം അദൃശ്യമാകുന്നു.

ഇനി ടക്സ്പെയിന്റ് തുറന്ന് സ്റ്റാമ്പ് ടൂളില്‍ ക്ലിക്ക് ചെയ്ത് വിവിധ സ്റ്റാമ്പുകള്‍ ഉപയോഗിച്ചുനോക്കൂ. നമ്മുടെ ഭാഷയും സംസ്കാരവും പ്രതിഫലിപ്പിക്കുന്നതിനുള്ള അനവധി സാധ്യതകള്‍ ഗ്നുലിനക്സിലുണ്ട്. ആ സാദ്ധ്യതകള്‍ പ്രയോജനപ്പെടുത്തുന്നതിനുള്ള സ്വാതന്ത്ര്യവും നിങ്ങള്‍ക്കുണ്ട്. കുട്ടികള്‍ക്കും അദ്ധ്യാപകര്‍ക്കും സ്വതന്ത്രസോഫ്റ്റ്വെയറിനെ സ്നേഹിക്കുന്നവര്‍ക്കുമായി ഞങ്ങളിത് സമര്‍പ്പിക്കുന്നു.

ചുരുക്കത്തില്‍
1.മുകളില്‍ കൊടുത്തിരിക്കുന്ന “ഇവിടെ നിന്നും” എന്ന ലിങ്കില്‍ നിന്നും ഫയല്‍ ഡൌണ്‍ലോഡു ചെയ്യുക.
2.ഡൌണ്‍ലോഡു ചെയ്ത ഫയലില്‍ Rightclick ചെയ്യുക
3.Open with Archive Manager സെലക്ട് ചെയ്യുക.
5.അപ്പോള്‍ തുറന്നുവരുന്ന ജാലകത്തിലെ “EXTRACT”ബട്ടണില്‍ ക്ലിക്കു ചെയ്യുക.
6.നിങ്ങളുടെ Home ഫോള്‍ഡര്‍ തുറന്ന് .tuxpaint എന്ന ഫോള്‍ഡര്‍ നിര്‍മ്മിക്കുക
7.ആ ഫോള്‍ഡറിനകത്ത് stamps എന്ന ഫോള്‍ഡര്‍ നിര്‍മ്മിക്കുക.
8.stamps എന്ന ഫോള്‍ഡറിനകത്തേക്ക് Extract ചെയ്തപ്പോള്‍ കിട്ടിയ keraleeyam എന്ന ഫോള്‍ഡര്‍ കോപ്പി ചെയ്യുക.
9.ഇനി ടക്സ്പെയിന്റ് തുറന്ന് stamps ല്‍ ക്ലിക്കു ചെയ്തോളൂ. പുതിയ സ്റ്റാമ്പുകള്‍ അവിടെയുണ്ടാകും.

SSLC IT MOdel Exam CD installation: ഒരൊറ്റ കമാന്റില്‍!!

2010-02-01T05:00:00.003+05:30

ഈ ബുധനാഴ്ച മുതല്‍ ആരംഭിക്കേണ്ട എസ്.എസ്.എല്‍.സി. ഐടി പ്രാക്ടിക്കല്‍ പരീക്ഷയുടെ സിഡി ഇതിനോടകം സ്കൂളില്‍ എത്തിക്കാണുമല്ലോ? സാധാരണയില്‍ നിന്ന് വ്യത്യാസങ്ങളൊന്നും തന്നെ ഇല്ലാത്തതിനാലാകണം, പ്രത്യേക പരിശീലനങ്ങളൊന്നും ഇല്ലാത്തത്. ( ഇനി, ഏതുതരം സഹായത്തിനും മാത്സ് ബ്ലോഗ് ഉള്ളതുകൊണ്ടു കൂടിയാകാം..!). ഓരോ സിസ്റ്റത്തിലും സിഡി അതിന്റെ ഡ്രൈവിലിട്ട് ഇന്‍സ്റ്റാള്‍ ചെയ്യുന്നതിനു പകരം, പെന്‍ഡ്രൈവ് ഉപയോഗിച്ചുള്ള ഫയല്‍ ബേസ്ഡ് ഇന്‍സ്റ്റലേഷന്‍ നാം പരിചയപ്പെട്ടിട്ടുണ്ട്. എന്നാല്‍, ഒരേ ഒരു കമാന്റ് ഉപയോഗിച്ച് പരീക്ഷാ സി.ഡി ഇന്‍സ്റ്റാള്‍ ചെയ്യാമത്രേ! നമ്മുടെ അധ്യാപകരുടെ ലിനക്സ് പ്രശ്നങ്ങള്‍ക്ക് പരിഹാരം നല്‍കുന്ന ഹസൈനാര്‍ മങ്കടയാണ് ഇത്തവണയും പുതിയ രീതിയുമായി രംഗത്തെത്തിയിരിക്കുന്നത്. ഏതാണാ കമാന്റ് എന്നറിയേണ്ടേ?

അന്വേഷണബുദ്ധിയുമാണ് ഹസൈനാര്‍ മങ്കട എന്ന മലപ്പുറത്തെ മാസ്റ്റര്‍ട്രെയിനറെ ഇത്തരമൊരു രീതി കണ്ടെത്താന്‍ സഹായിച്ചത്. മുന്‍പരിചയമുള്ള കമാന്റുകളും ഇന്റര്‍നെറ്റില്‍ തെരഞ്ഞു കിട്ടിയ കമാന്റുകളുമെല്ലാം സന്നിവേശിച്ചപ്പോള്‍ പരീക്ഷാ സി.ഡി ഇന്‍സ്റ്റാള്‍ ചെയ്ത് മുന്‍പരിചയമില്ലാത്തവര്‍ക്കു പോലും ഉപകാരപ്രദമാകുന്ന ഒരു എളുപ്പരീതി നമുക്ക് ലഭ്യമാവുകയായിരുന്നു. പരീക്ഷാസിഡി ഇന്‍സ്റ്റലേഷന്‍ നിര്‍ദ്ദേശിച്ചിരിക്കുന്ന സ്റ്റെപ്പുകളെ ഒന്നും ഒഴിവാക്കാതെ തന്നെ അവയെയെല്ലാം ഒരുമിപ്പിച്ചു കൊണ്ടുള്ള ഈ ഒരു കമാന്റ് നമുക്ക് ഏറെ ഉപകാരപ്രദമാകുമെന്നതില്‍ സംശയമില്ല.

ഏറ്റവും പുതിയ വേര്‍ഷനായ സ്ക്കൂള്‍ ലിനക്സ് 3.8 ല്‍ പരീക്ഷാ സിഡി ഇന്‍സ്റ്റാള്‍ ചെയ്യേണ്ട വിധം പറഞ്ഞിരിക്കുന്നത് കണ്ടിരുന്നോ? 3.2 വേര്‍ഷനില്‍ പരീക്ഷ ഇന്‍സ്റ്റാള്‍ ചെയ്യേണ്ട വിധവും ഇവിടെ വ്യക്തമായി പറഞ്ഞിട്ടുണ്ട്.

3.2 വേര്‍ഷനില്‍ പെന്‍ഡ്രൈവ് വഴിയുള്ള ഇന്‍സ്റ്റലേഷനിലേക്ക്

ഇനി Root ആയി Login ചെയ്ത് Desktop-Administration-synaptic Package Manager എന്ന ക്രമത്തില്‍ തുറന്ന് Edit-Search ല്‍ itexam സെര്‍ച്ച് ചെയ്ത് പതിവുപോലെ മുന്‍ വര്‍ഷത്തെ ഐ.ടി എക്സാമുകള്‍ ഉണ്ടെങ്കില്‍ അവ Complete Removal വഴി കളയുക.

Cd യില്‍ നിന്നോ പെന്‍ഡ്രൈവിലേക്ക് കോപ്പി ചെയ്തെടുത്തതോ ആയ itexam-debs എന്ന ഫോള്‍ഡര്‍ Root's Home ഫോള്‍ഡറില്‍ പേസ്റ്റ് ചെയ്യുക.

SSLC MODEL IT PRACTICAL EXAM File based ഇന്‍സ്റ്റലേഷന്‍ (pen drive വഴി കോപ്പി ചെയ്തുള്ള ) അനായാസമാക്കാന്‍ ഇതിന്റെ കൂടെയുള്ള Command ഉപയോഗിക്കാം. (File based Command.text). Root ആയി ലോഗിന്‍ ചെയ്യുക. ഈ ലിങ്കിലുള്ള command കോപ്പി ചെയ്ത് റൂട്ട് ടെര്‍മിനലില്‍ പേസ്റ്റ് ചെയ്ത് എന്റര്‍ ചെയ്യുക. ഇന്‍സ്റ്റലേഷന്‍ തീര്‍ന്നു. Exam റണ്‍ ചെയ്യിക്കാനായി പുതിയ യൂസറെ ക്രിയേറ്റ് ചെയ്ത് (ഉദാഹരണത്തിന് model2010) ലോഗിന്‍ ചെയ്യുക. Application-Accessories- ല്‍ SSLC model IT Exam വന്നിട്ടുണ്ടാകും

itexam-debs എന്ന ഫോള്‍ഡര്‍ Paste ചെയ്യേണ്ടത് Root's Home ലാണെന്നത് പ്രത്യേകം ശ്രദ്ധിക്കുമല്ലോ ? ഇതിന്റെ കൂടെയുള്ള File based Command.text എന്ന ഫയല്‍ തുറന്നാണ് കോപ്പി ചെയ്യേണ്ടത്. (Double Click-Display)

Command മറ്റ് Application ല്‍ Open ചെയ്യുമ്പോള്‍ Allignment തെറ്റാന്‍ സാധ്യതയുണ്ട്. Text Editor ല്‍ നിന്ന് തന്നെ കോപ്പി ചെയ്യുന്നതാണ് സുരക്ഷിതം. ഒന്നു ട്രൈ ചെയ്തു നോക്കൂ...സംശയങ്ങളും മറ്റും കമന്റുകളിലൂടെയാകട്ടെ.

പരീക്ഷ എങ്ങനെ ആരംഭിക്കാം എന്നതിനെപ്പറ്റി ഇവിടെ ചിത്രസഹിതം പറഞ്ഞിട്ടുണ്ട്.

Malayalam Typing

2010-01-14T05:00:00.001+05:30

കുട്ടികളും അധ്യാപകരുമായി നിരവധി പേര്‍ എങ്ങനെ മലയാളം ടൈപ്പു ചെയ്യാം എന്നതിനെപ്പറ്റി ഒരു ലേഖനം പ്രസിദ്ധീകരിക്കണമെന്നാവശ്യപ്പെട്ടിരുന്നു. അതു കൊണ്ടു തന്നെ ഇന്നത്തെ ലേഖനം ഈ ആവശ്യത്തെ സാധൂകരിക്കുന്നതിനുള്ളതാണ്. ഐ.ടി പഠിപ്പിക്കുന്ന അധ്യാപകര്‍ തങ്ങളുടെ സ്ക്കൂളിലെ കുട്ടികളെ ഈ ലേഖനം കാട്ടിക്കൊടുക്കുമല്ലോ. മറ്റാരുടേയും സഹായമില്ലാതെ ടൈപ്പ് ചെയ്യാന്‍ കുട്ടികള്‍ സ്വയം പഠിച്ചോളും. അതിനാവശ്യമായ കീ ബോര്‍ഡ് ലേ ഔട്ട് താഴെയുള്ള ലിങ്കില്‍ നിന്നും കോപ്പി ചെയ്തെടുക്കുകയും ചെയ്യാം. ടൈപ്പിങ്ങിന് രണ്ട് വഴികളാണുള്ളത്. ഫൊണറ്റിക്ക് രീതിയും ഇന്‍സ്ക്രിപ്റ്റ് രീതിയും. സംസാരഭാഷ അതേ പോലെ ഇംഗ്ലീഷില്‍ ടൈപ്പ് ചെയ്യുന്ന, മംഗ്ലീഷ് രീതിയെന്ന ഓമനപ്പേരില്‍ അറിയപ്പെടുന്ന ടൈപ്പിങ് സമ്പ്രദായമാണ് ഫൊണറ്റിക്ക്. യുണീക്കോഡ് സമ്പ്രദായം അതേപടി പകര്‍ത്തിയിട്ടുള്ളതാണ് ഇന്‍സ്ക്രിപ്റ്റ് രീതി. സാധാരണഗതിയില്‍ ഫൊണറ്റിക് രീതി എളുപ്പമാണെങ്കിലും വിന്റോസിലും ലിനക്സിലും യാതൊരു സോഫ്റ്റ്വെയറും ഉപയോഗിക്കാതെ ടൈപ്പ് ചെയ്യാന്‍ ഇന്‍സ്ക്രിപ്റ്റ് ആണ് നല്ലത്. ലിനക്സില്‍ എങ്ങനെ മലയാളം ടൈപ്പ് ചെയ്യാം എന്നതാണ് നമ്മുടെ പ്രശ്നം. ഒരു കുഴപ്പവുമില്ല. രണ്ട് ദിവസം ഇതിനായി നിങ്ങള്‍ മാറ്റി വെക്കാന്‍ തയ്യാറാണോ? ഒരു സോഫ്റ്റ്വെയറിന്റേയും സഹായമില്ലാതെ ഈസിയായി മലയാളം ടൈപ്പ് ചെയ്യാം. അതിനായി എന്തു ചെയ്യണം?

നമ്മുടെ സ്ക്കൂളുകളില്‍ ഐ.ടി അറ്റ് സ്ക്കൂള്‍ ഗ്നു/ലിനക്സ് ആണല്ലോ ഉപയോഗിച്ചു പോരുന്നത്. ഇതിന്റെ മുകളിലെ പാനലില്‍ (Applications, Places... ഒക്കെയുള്ള Desktop ലെ ഏറ്റവും മുകളിലെ വെളുത്ത റിബണ്‍) മൌസ് പോയിന്റര്‍ കൊണ്ടു വെച്ച ശേഷം മൌസിന്റെ റൈറ്റ് ബട്ടണ്‍ ക്ലിക്ക് ചെയ്യുക

അപ്പോള്‍ വരുന്ന വിന്റോയില്‍ Add to Panel എന്ന മെനുവില്‍ ക്ലിക്ക് ചെയ്യുക

ഇവിടെ ചെറു ചിത്രങ്ങളോടു കൂടി നിരവധി പ്രോഗ്രാമുകള്‍ പ്രത്യക്ഷപ്പെടും. അത് മൌസ് ഉപയോഗിച്ചോ 'ആരോ കീ' ഉപയോഗിച്ചോ താഴേക്ക് പോയി Keyboard Indicator സെലക്ട് ചെയ്യുക. ഈ സമയം മുകളിലെ പാനലില്‍ USA എന്ന് വന്നിട്ടുണ്ടാകും.

USA എന്നു കാണുന്നിടത്ത് വീണ്ടും മൌസ് പോയിന്റര്‍ കൊണ്ടു വെച്ച ശേഷം റൈറ്റ് ക്ലിക്ക് ചെയ്യുക. അവിടെ പ്രത്യക്ഷപ്പെടുന്ന വിന്റോയിലെ Open Keyboard Preferences ല്‍ ക്ലിക്ക് ചെയ്യുമ്പോള്‍ വരുന്ന വിന്റോയിലെ Layouts സെലക്ട് ചെയ്യുക. അവിടെ Add ബട്ടണില്‍ ക്ലിക്ക് ചെയ്യുമ്പോള്‍ വരുന്ന വിന്റോയില്‍ ഇടതു വശത്തായി Available Layouts എന്നതിനു താഴെ വിവിധ രാജ്യങ്ങളുടെ പേരുകള്‍ കാണാന്‍ കഴിയും. മൌസ് താഴേക്ക് Scroll ചെയ്ത് അതില്‍ നിന്നും India യുടെ തൊട്ടടുത്തുള്ള ചെറിയ ത്രികോണത്തില്‍ ക്ലിക്ക് ചെയ്യുക. അപ്പോള്‍ പ്രത്യക്ഷപ്പെടുന്ന ഇന്‍ഡ്യന്‍ ഭാഷകളുടെ ലിസ്റ്റില്‍ നിന്നും മലയാളം തെരഞ്ഞെടുക്കുക.

ഭാഷകള്‍ ആക്ടിവേറ്റ് ചെയ്യുന്ന ജോലി മുഴുവനായും കഴിഞ്ഞു. ഇനി USA (ഇംഗ്ലീഷ് ഭാഷ) എന്നിടത്ത് ക്ലിക്ക് ചെയ്താല്‍ Ind(മലയാള ഭാഷ)ത്തിലേക്ക് മാറും. ഇപ്പോള്‍ മലയാളമാണ് ആക്ടീവ്. ഇതേ പരിപാടി വീണ്ടും ആവര്‍ത്തിച്ചാല്‍ ഇംഗ്ലീഷിലേക്ക് മാറാം. സ്പേസ് കീകള്‍ക്ക് ഇരുവശത്തുമുള്ള രണ്ട് Alt കീകളും ഒരേ സമയം അമര്‍ത്തിയാല്‍ മൌസ് ഉപയോഗിക്കാതെ ഭാഷ മാറ്റാവുന്നതേയുള്ളു.

ഇനി പരീക്ഷിക്കാം. ഏതെങ്കിലും ടെക്സ്റ്റ് എഡിറ്ററില്‍ ടൈപ്പ് ചെയ്തു നോക്കാം. Desktop ല്‍ റൈറ്റ് ക്ലിക്ക് ചെയ്ത് Create Document വഴി Empty file തെരഞ്ഞെടുക്കുക. ഇനി Ind ആക്ടീവാക്കി മലയാളം ടൈപ്പ് ചെയ്തോളൂ. ഓപ്പണ്‍ ഓഫീസ് റൈറ്ററിലാണ് ടൈപ്പ് ചെയ്യുന്നതെങ്കില്‍ Ind ആക്ടീവാക്കി ടൈപ്പ് ചെയ്യുമ്പോഴും ഫോണ്ട് ഏതാണെന്ന് നോക്കണം. സാധാരണഗതിയില്‍ Bitstream Vera Sans, Liberation Serif ഒക്കെയാകാം രചനയില്‍ ഡിഫോള്‍ട്ടായി വരുന്ന ഫോണ്ടുകള്‍ . അങ്ങനെയെങ്കില്‍ ചില്ലക്ഷരങ്ങളും കൂട്ടക്ഷരങ്ങളുമൊന്നും കൃത്യമായി വന്നിട്ടുണ്ടാകില്ല. ഇതിന് അല്പം ടൈപ്പ് ചെയ്ത ശേഷം മുഴുവന്‍ സെലക്ട് ചെയ്ത് ഫോണ്ട് Rachana ആക്കിക്കൊടുക്കാന്‍ മറക്കരുത്.

ഇനി താഴെ ലിങ്കില്‍ നിന്നും മലയാളം കീ ബോര്‍ഡിന്റെ ലേ ഔട്ട് ഡൌണ്‍ലോഡ് ചെയ്തെടുത്തോളൂ. എന്നിട്ട് ഈ ബ്ലോഗില്‍ മലയാളത്തില്‍ കമന്റു ചെയ്യണം കേട്ടോ.

Click here for download the Malayalam Keyboard

Wipro Notebook & School Linux

2010-01-05T05:00:00.001+05:30

ICT Schemeപ്രകാരംIT@Shoolവിതരണം ചെയ്ത Wipro Notebook,ലെ linuxഫോര്‍മാറ്റ് ചെയ്തുതാല്‍ വീണ്ടുംSGL 3.2 (etchnhalf)ഇന്‍സ്റ്റാള്‍ ചെയ്യാന്‍ പറ്റാതെ പലരും വിഷമിക്കാറുണ്ട് . Wipro Notebookല്‍ windowsഇന്‍സ്റ്റാള്‍ ചെയ്യുന്നതിന് മുമ്പ് bios setup ല്‍ പ്രവേശിച്ച് Advanced- Boot System to -Windowsഎന്ന് സെലക്ട് ചെയ്യേണ്ടതാണ്. (Linux ഇന്‍സ്റ്റാള്‍ ചെയ്യുമ്പോള്‍ Boot System to -Linux എന്നും സെലക്ട് ചെയ്യണം) CDഇട്ട് ബൂട്ട് ചെയ്ത് Help എന്ന മെനുവില്‍ എന്റര്‍ ചെയ്ത് install fb=falseഅല്ലെങ്കില്‍ install vga=771 fb=falseഎന്ന commandടൈപ്പ് ചെയ്താണ് installationആരംഭിക്കേണ്ടത്. ഇന്‍സ്റ്റാള്‍ ചെയ്യുന്ന ഓരോ സമയത്തും നിലവിലുള്ള Partition,deleteചെയ്ത് re-partitionചെയ്യുന്നതാണ് അഭികാമ്യം. ഇങ്ങനെയൊക്കെ ചെയ്താലും ഇതില്‍ SGL 3.2ചില സമയത്ത് ഇന്‍സ്റ്റാള്‍ ചെയ്യാന്‍ സാധിക്കാറില്ല. കൂടുതല്‍ പ്രാവശ്യം ഇന്‍സ്റ്റാള്‍ ചെയ്ത് നോക്കാന്‍ ക്ഷമയില്ലാത്തവര്‍ക്ക് താഴെ പറയുന്ന മാര്‍ഗ്ഗം അവലംബിക്കാവുന്നതാണ്.

ആദ്യം SGL 3.0 ഇന്‍സ്റ്റാള്‍ ചെയ്യുക. 3.0 യാതൊരു പ്രശ്നവുമില്ലാതെ ഇന്‍സ്റ്റാള്‍ ആവും. അതിന് ശേഷം SGL3.2 സി.ഡി. Add ചെയ്ത് 2.6.24-etchnhalf.1-686എന്ന kernalഇന്‍സ്റ്റാള്‍ ചെയ്യുക. (Wipro supply ചെയ്ത Wireless Driver , SGL 3.2 (etchnhalf)ന് മാത്രമേ support ആവു. അതിനാലാണ് ഇതില്‍ 3.2 കേര്‍ണല്‍ തന്നെ ഇന്‍സ്റ്റാള്‍ ചെയ്യേണ്ടി വരുന്നത്). അതിനായി Synaptic ല്‍ സി.ഡി. Add ചെയ്തതിന് ശേഷം search box ല്‍ linux-image എന്ന് search ചെയ്യുക.result ല്‍ നിന്ന് linux-image-2.6-686-etchnhalf എന്ന kernal ലില്‍ മാര്‍ക്ക് ചെയ്ത് ഇന്‍സ്റ്റാള്‍ ചെയ്ത് സിസ്റ്റം റീബൂട്ട് ചെയ്യുക. റീബൂട്ട് ചെയ്ത് വരുമ്പോള്‍ 2.6.24-etchnhalf.1-686 എന്ന കേര്‍ണല്‍ default കേര്‍ണല്‍ ആയി മാറുന്നു. ഈ കേര്‍ണല്‍ വഴി സിസ്റ്റത്തില്‍ പ്രവേശിക്കുക. ഇനി wipro വിതരണം ചെയ്ത CD യിലുള്ള വയര്‍ലെസ് driver, rightclick-Open with Gdebi Package installer വഴിയോ dpkg -i വഴിയോ ഇന്‍സ്റ്റാള്‍ ചെയ്യാം . ചില സമയത്ത് wireless driver ഇന്‍സ്റ്റാള്‍ ചെയ്യാനും സാധിക്കാറില്ല. അപ്പോള്‍ താഴെ പറയുന്ന മാര്‍ഗ്ഗം അവലംബിക്കാവുന്നതാണ്.

Root ആയി ലോഗിന്‍ ചെയ്യുക. CD യിലുള്ള wipro-liteon-2.6.24-etchnhalf.1-686.deb എന്ന package സിസ്റ്റത്തിലേക്ക് copy ചെയ്തതിന് ശേഷം Extract ചെയ്യുക.(wipro-liteon-2.6.24-etchnhalf.1-686.deb-right click-Extract here)
Extract ചെയ്യുമ്പോള്‍ ലഭിക്കുന്ന wipro-liteon-2.6.24-etchnhalf.1-686 എന്ന ഫോള്‍ഡര്‍ തുറക്കുക. data.tar.gz എന്ന ഫയല്‍ Extract ചെയ്ത് താഴെ കാണുന്ന രീതിയില്‍ എല്ലാ ഫോള്‍ഡറുകളും തുറക്കുക
lib/modules/2.6.24-etchnhalf.1-686/kernel/drivers/net/wireless.
wireless എന്ന ഫോള്‍ഡറിനുള്ളിലെ wipro എന്ന ഫോള്‍ഡര്‍ copy ചെയ്ത് ഫയല്‍ സിസ്റ്റത്തിനകത്തെlib/modules/2.6.24-etchnhalf.1-686/kernel/drivers/net/wireless എന്ന ഫോള്‍ഡറിനുള്ളില്‍ Paste ചെയ്യുക.

സ്കൂള്‍ ലിനക്സില്‍ (3.0) മലയാളം ടൈപ്പ് ചെയ്യുമ്പോഴുള്ള പല പ്രശ്നങ്ങളും 3.2 ല്‍ പരിഹരിച്ചിട്ടുണ്ട്. (മുഖ്യമന്ത്രി പ്രശ്നമടക്കം) ആ support ഇവിടെ(3.0) ലഭിക്കാനും മാര്‍ഗമുണ്ട് . Edusoft CD (New version) യില്‍ നിന്ന് ttf-malayalam-fonts എന്ന meta പാക്കേജോ 0-edusoft-all-packs എന്ന meta പാക്കേജോ ഇന്‍സ്റ്റാള്‍ ചെയ്താല്‍ 3.2 ലെ language support,3.0 നും ലഭിക്കുന്നു.
Wipro Notebook ല്‍ 3.8 ഉം ഇന്‍സ്റ്റാള്‍ ചെയ്യാം. 3.8 ല്‍ വയര്‍ലെസ് ഡ്രൈവര്‍ ലഭിക്കാന്‍, 3.8 നെ linux-image-2.6.30-bpo.1-686എന്ന കേര്‍ണലിലേക്ക് update ചെയ്താല്‍ മതി. ഈ കേര്‍ണല്‍ Edusoft lenny CD യിലുണ്ട്. ഈ kernal മുതലുള്ള എല്ലാ കേര്‍ണലുകളും വയര്‍ലെസ് driver കളെ auto ആയി detect ചെയ്യുന്നു.

Wipro Notebook ല്‍ sis vga ഡ്രൈവറാണ് ഉപയോഗിച്ചിരിക്കുന്നത് . 3.8 നുള്ള sis VGA driver, Edusoft lenny CD യില്‍ ഉള്‍പ്പെടുത്തിയിരിക്കുന്നു. ഈ ഡ്രൈവര്‍ ഇന്‍സ്റ്റാള്‍ ചെയ്ത് /etc/X11/xorg.conf എന്ന ഫയല്‍ എഡിറ്റ് ചെയ്യണം. ഈ വിവരങ്ങള്‍ വിശദമായി Edusoft lenny CD യില്‍ Wipro_Laptop_Helps എന്ന ഫോള്‍ഡറിനകത്ത് പ്രതിപാദിച്ചിട്ടുണ്ട്.

ലിനക്സിന് support കുറവായ ഡ്രൈവറാണ് sis .അത് കൊണ്ട് തന്നെ ഇത് ഉപയോഗിച്ചിരിക്കുന്ന Wipro Notebook ല്‍ ഗ്രാഫിക്സ് എപ്പോഴും പ്രശ്നമുണ്ടാക്കാറുണ്ട്.വീഡിയോ vlc media player വഴി play ചെയ്യുമ്പോള്‍ ദൃശ്യങ്ങള്‍ വ്യക്തമാവാതെ വരുന്നു.ഇത് പരിഹരിക്കാന്‍ vlc media player ന്റെ മെനുബാറിലെ Video-Deinterlace-Disable എന്നതിന് പകരം Blend എന്നോ മറ്റ് optionകളോ ക്ലിക്ക് ചെയ്താല്‍ മതി. എന്നാല്‍ ഈ നോട്ട്ബുക്കില്‍ Video play ചെയ്യാന്‍ xine ഉപയോഗിക്കുകയാണ് നല്ലത്.

എച്ച്.പി. ലേസര്‍ ജെറ്റ് പി 1008

2009-12-14T18:02:00.000+05:30

ഐ.ടി.@സ്കൂളുമായി ബന്ധപ്പെട്ട് ഈ വര്‍ഷം നടന്ന ഏറ്റവും മികച്ച പ്രവര്‍ത്തനം ഏതെന്നു ചോദിച്ചാല്‍, നിസ്സംശയം പറയാവുന്ന ഒന്നാണ് മലപ്പുറം ടീമിന്റെ എഡ്യൂസോഫ്റ്റ്, സോഫ്റ്റ്മാത്സ് പാക്കേജുകള്‍. നമ്മുടെ ബ്ലോഗ് ടീമംഗം കൂടിയായ പാലക്കാട്ടെ മുരളീകൃഷ്ണന്‍ സാറിന്റെ കൂടി നേതൃത്വത്തില്‍ നടന്ന പ്രവര്‍ത്തനങ്ങളെക്കുറിച്ച് നാം നേരത്തേ ഒരുപാട് പരാമര്‍ശിച്ചിട്ടുള്ളത് ഓര്‍ക്കുമല്ലോ? ഇവയുടെയൊക്കെ നേതൃത്വം വഹിച്ചിരുന്ന രണ്ടു പേര്‍ ഇനി ഇടയ്ക്കിടെ നമ്മെ സഹായിക്കാനെത്താമെന്ന് ഉറപ്പുതന്നിരുന്നു- ശ്രീ. ഹസൈനാര്‍ മങ്കടയും, ഹക്കീം മാഷും. തങ്ങളുടെ സ്കൂളിലുള്ള HP Laserjet p1008 എന്ന പ്രിന്റര്‍ സ്കൂള്‍ ഗ്നൂ ലിനക്സില്‍ ഇന്‍സ്റ്റാള്‍ ചെയ്യാന്‍ കഴിയുന്നില്ലെന്ന പരാതിക്കാരുടെ എണ്ണം കൂടിയപ്പോഴാണ്, കഴിഞ്ഞയാഴ്ച ശ്രീ. ഹസൈനാര്‍ മങ്കടയുമായി ബന്ധപ്പെട്ടത്. രണ്ടു ദിവസത്തിനകം തന്നെ അദ്ദേഹം പരിഹാരമയച്ചുതന്നു. ഇതാ, പരിഹാരത്തിലേക്ക്...
താഴെ തന്നിരിക്കുന്ന രീതിയില്‍ ചെയ്യുക. പ്രിന്റര്‍ മെനുവില്‍ വരും.
എഡ്യൂസോഫ്റ്റ് സിഡിയില്‍ തന്നിട്ടുള്ള 'build-essential'എന്ന പാക്കേജ് സിനാപ്റ്റിക് പാക്കേജ് മാനേജര്‍ വഴി ഇന്‍സ്റ്റാള്‍ ചെയ്യുക.
അതിനു ശേഷം താഴേ തന്നിട്ടുള്ള സ്റ്റെപ്പുകള്‍ ചെയ്യുക.
1.ഇവിടെനിന്നും ഡ്രൈവര്‍ ഇന്‍സ്റ്റാള്‍ ചെയ്യുക.
2.റൈറ്റ് ക്ലിക്ക് ചെയ്ത് ഫയല്‍ extract ചെയ്യുക.
3.എക്സ്ട്രാക്ട് ചെയ്ത 'foo2zjs'എന്ന ഫോള്‍ഡര്‍ ടെര്‍മിനല്‍ വഴി തുറക്കുക.(right click - 'Open in Terminal')
4.ഇനി താഴേ കാണുന്ന കമാന്റുകള്‍ അടിച്ചോളൂ..
# su - enter
password:
# make
# ./getweb p1008
# make install install-hotplug cups
5. ഇനി Desktop --> Administration --> printing വഴി പ്രിന്റര്‍ ആഡ് ചെയ്യാം
പ്രിന്റര്‍ ഇന്‍സ്റ്റാള്‍ ചെയ്തതിന് ശേഷം വീണ്ടും പ്രിന്റ് കിട്ടുന്നില്ലെങ്കില്‍ താഴെ തന്നിരിക്കുന്ന command ലൂടെ "cups" stop ചെയ്തതിന് ശേഷം cups start ചെയ്യുക. (use root terminal)

#/etc/init.d/cups stop

#/etc/init.d/cups start
ഇവിടെ ക്ലിക്ക് ചെയ്താല്‍ കൂടുതല്‍ വിവരങ്ങള്‍ ലഭിക്കും.

SSLC database, Spreadsheetലേക്ക് ...

2009-11-15T18:32:00.000+05:30

ഈ വര്‍ഷത്തെ എസ്.എസ്.എല്‍.സി. ഡാറ്റാ എന്റ്റി ഗ്നൂ/ലിനക്സിലായതുകൊണ്ട് നിരാശരായ കുറേപ്പേരുണ്ട്. മറ്റൊന്നുമല്ല, ആക്സസിലുള്ള ഡാറ്റാബേസില്‍ നിന്നും എക്സലിലേക്ക് മുഴുവന്‍ ഡാറ്റായും എടുത്ത് നാനാവിധ ആവശ്യങ്ങള്‍ക്കായി ഉപയോഗിച്ചുകൊണ്ടിരുന്നവര്‍ക്ക് ഈ ഡാറ്റാബേസൊന്ന് കാണാന്‍ പോലും കഴിയുന്നില്ലെന്നതാണ് നിരാശക്ക് കാരണം! ഇതിനൊരു പരിഹാരവുമായി ഇതാ, ഐടി@സ്കൂള്‍ മലപ്പുറം ടീം എത്തിയിരിക്കുന്നു. ഹക്കീം മാസ്റ്ററും ഹസൈനാര്‍ മങ്കടയുമാണ് പ്രശ്ന പരിഹാരമടങ്ങിയ, ഏറെ വിലപ്പെട്ട ഈ പോസ്റ്റുമായി രംഗത്തെത്തിയിരിക്കുന്നത്. മലപ്പുറം ഡി.ആര്‍.സിയില്‍ വെച്ചു നടന്ന ത്രിദിന ഐടി അധിഷ്ടിത കോര്‍ എസ്.ആര്‍.ജി വര്‍ക്ക്ഷോപ്പിനിടയില്‍ പരിചയപ്പെട്ട ഈ 'പുലി'കളില്‍ നിന്നും ഇനിയും എന്തൊക്കെ വരാനിരിക്കുന്നില്ല?വായിച്ചോളൂ...............

Mysql database ലെ വിവരങ്ങള്‍ പ്രദര്‍ശിപ്പിക്കുന്ന software ആണ് MySQL Query Browser.ഈ software workചെയ്യണമെങ്കില്‍ mysql-gui-tools-commonഎന്ന softwareകൂടി ആവശ്യമാണ്. താഴെ തന്നിട്ടുള്ള linkകളില്‍ നിന്ന് ഇവ രണ്ടും download ചെയ്യാവുന്നതേയുള്ളൂ.
Click here and download mysql-gui-tools-common

Click here and download mysql-query-browser_5.0

mysql-gui-tools-common ഇന്‍സ്റ്റാള്‍ ചെയ്തതിന് ശേഷമാണ് Query Browser ഇന്‍സ്റ്റാള്‍ ചെയ്യേണ്ടത്. Gdebi package installerസംവിധാനം ഉപയോഗിച്ച് ഇവ ഇന്‍സ്റ്റാള്‍ ചെയ്യാം. ഇന്‍സ്റ്റാള്‍ ചെയ്തതിന് ശേഷം Application-Programming- MySQL Query Browserഎന്ന രീതിയില്‍ ഇതിനെ നമുക്ക് പ്രവര്‍ത്തിപ്പിക്കാം.
SSLC databaseനെ Spreadsheetലേക്ക് convertചെയ്യുന്ന വിധം
ഈ വര്‍ഷത്തെSSLC data entry,Mysqlല്‍ ആണല്ലോ പ്രവര്‍ത്തിക്കുന്നത്.
SSLC databaseലെ വിവരങ്ങള്‍ MySQL Query Browser ഉപയോഗിച്ച് Spreadsheetഫോര്‍മാറ്റിലേക്ക് convert
ചെയ്യുന്നതെങ്ങനെയെന്ന് നോക്കാം. sslc database ഉപയോഗിച്ച് TC യും മറ്റ് വിവരങ്ങളും തയ്യാറാക്കുന്നവര്‍ക്ക് ഈ പോസ്റ്റ് ഉപകാരപ്രദമാകുമെന്ന് കരുതട്ടെ..
SSLC data entry നടത്തിയ സിസ്റ്റത്തില്‍ MySQL Query Browser ഓപ്പണ്‍ ചെയ്യുക. അപ്പോള്‍ ചിത്രത്തില്‍ കാണുന്നത് പോലെയുള്ള ഒരു window പ്രത്യക്ഷപ്പെടും

ഇതില്‍
host name : localhost
port : 3306
username : root
passaword : root
Default Schema: sslc
എന്നിങ്ങനെ fillചെയ്തതിന് ശേഷം connect ല്‍ ക്ലിക്ക് ചെയ്യുക. അപ്പോള്‍ പ്രത്യക്ഷമാവുന്ന window സിസ്റ്റത്തില്‍ നിലവിലുള്ള mysql databaseആയ sslcവലത് വശത്തുള്ള schemata യില്‍ പ്രത്യക്ഷപ്പെടും. ആ വിന്‍ഡോയിലെ candidate_ns ല്‍ ഡബിള്‍ക്ലിക്ക് ചെയ്ത് മുകളില്‍ കാണുന്ന excecute എന്ന button ല്‍ ക്ലിക്ക് ചെയ്താല്‍ കുട്ടികളുടെ വിവരങ്ങള്‍ താഴെ പ്രത്യക്ഷപ്പടുന്നു..

ഈ data യെ മെനുബാറിലെ file-Export result as CSV എന്ന രീതിയില്‍ csv ഫോര്‍മാറ്റിലേക്ക് convert ചെയ്യുക. csv ഫോര്‍മാറ്റ് ഫയലുകളെ Open with “Gnumeric Spreadsheet” ഉപയോഗിച്ച ഓപ്പണ്‍ ചെയ്യാം. (Gnumeric Spreadsheet സോഫ്റ്റ് വെയര്‍ Edusoft CDയില്‍ ലഭ്യമാണ്.) Gnumeric ല്‍ ഓപ്പണ്‍ ചെയ്ത file നെ Save as ഉപയോഗിച്ച് Ms Excel(97/2000/xp)ലേക്കും അവ Calc ലേക്കും convert ചെയ്യാമല്ലോ ?
Gnumeric ല്‍ date format yyyy- mm-dd എന്ന രീതിയിലാണ് ഉണ്ടാവുക. ഇത് Gnumeric ലെ Format Cells-number-custom എന്നിവ ഉപയോഗിച്ച് dd-mm-yyyy രീതിയിലാക്കിയിട്ട് വേണം save ചെയ്യാന്‍.
SSLC data base ലെ religion, Category പോലുള്ള കോളങ്ങളില്‍ കോഡുകള്‍ മാത്രമാണ് ഈ തരത്തില്‍ covert ചെയ്യുമ്പോള്‍ ലഭിക്കുന്നത്. ഇതിനും പരിഹാരമുണ്ട്. Query Browser ലെ schemata യില്‍ നിന്നും religion, Categoryഎന്നിവ excecuteചെയ്താല്‍ അവയുടെ decodingലഭിക്കും.
Gnumericലെ കോഡുകളടങ്ങിയ കോളങ്ങള്‍ select ചെയ്ത് Edit -replace ഉപയോഗിച്ച് (Match whole words Only,range) കോഡുകളെ replace ചെയ്യാവുന്നതാണ്.

സ്വതന്ത്ര സോഫ്റ്റ്‌വെയര്‍-സൌജന്യവും സ്വാതന്ത്ര്യവും.

2009-11-15T07:49:00.000+05:30

സ്വതന്ത്രമായി ഉപയോഗിക്കാനും ഉപയോഗക്രമത്തെക്കുറിച്ച് പഠിക്കാനും അതില്‍ മാറ്റം വരുത്താനും യാതൊരു തടസ്സങ്ങളുമില്ലാതെ എത്ര പകര്‍പ്പുകള്‍ വേണമെങ്കിലും എടുത്ത് ഉപയോഗിക്കാനും സാധിക്കുന്ന സോഫ്റ്റ്‌വെയറുകളാണ് സ്വതന്ത്ര സോഫ്റ്റ്‌വെയര്‍. സാധാരണയായി സ്വതന്ത്രസോഫ്റ്റ്‌വെയര്‍ സൌജന്യമായി ലഭ്യമാണ്. അതിന് ലഭ്യമാക്കാനാവശ്യമായ പണം മാത്രമേ നല്‍കേണ്ടിവരികയുള്ളു. കൂടാതെ സോഫ്റ്റ്‌വെയറിന്റെ സോഴ്സ് അഥവാ അത് എഴുതപ്പെട്ടിരിക്കുന്ന പ്രോഗ്രാം കോഡ് എല്ലാവര്‍ക്കും വായിക്കാവുന്ന വിധത്തില്‍ ലഭ്യമായിരിക്കും.
സ്വതന്ത്ര സോഫ്റ്റ്‌വെയര്‍ മുന്നേറ്റത്തിന്റെ സ്ഥാപകനായ റിച്ചാര്‍ഡ്‌ മാത്യൂ സ്റ്റാള്‍മാനാണ് (ചിത്രം കാണുക)1983 ല്‍ സ്വതന്ത്രസോഫ്റ്റ്‌വെയര്‍ പ്രസ്ഥാനത്തിന് തുടക്കം കുറിച്ചത്.1985 ല്‍ ഫ്രീ സോഫ്റ്റ്‌വെയര്‍ ഫൌണ്ടേഷന്‍ (FSF)ആരംഭിച്ചു. 1998 മുതല്‍ പലപേരിലും സ്വതന്ത്രസോഫ്റ്റ്‌വെയര്‍ അറിയപ്പെടുന്നു.
സ്വതന്ത്രസോഫ്റ്റ്‌വെയര്‍ ചിലപ്പോള്‍ സൌജന്യമായി ലഭിക്കണമെന്നില്ല.എന്നാല്‍ അത് ഉപയോഗിക്കുന്നതിന് പണം നല്‍കേണ്ടതില്ല. കൂടാതെ അത് ഏതൊരുപയോക്താവിനും സോഫ്റ്റ്‌വെയര്‍ സ്വാതന്ത്ര്യം നല്‍കുന്നവയായിരിക്കും. സൌജന്യമായി ലഭിയ്ക്കുന്ന ഒരു സോഫ്റ്റ്‌വെയര്‍ സ്വതന്ത്ര സോഫ്റ്റ്‌വെയര്‍ ആകണമെന്നില്ല. സൌജന്യമായതും സ്വതന്ത്രമല്ലാത്തതുമായ സോഫ്റ്റ്‌വെയറുകളെ ഫ്രീവെയര്‍ (സൌജന്യസോഫ്റ്റ്‌വെയര്‍ )എന്നു് വിളിയ്ക്കുന്നു. സൌജന്യസോഫ്റ്റ്‌വെയര്‍ അതിന്റെ പകര്‍പ്പവകാശം നിര്‍മ്മാതാക്കളില്‍തന്നെ നിലനിറുത്തുന്നു. കൂടാതെ ഇവയുടെ സോഴ്സ് ലഭ്യമായിരിക്കുകയില്ല. ഇവയുടെ കൂടുതല്‍പകര്‍പ്പുകള്‍ ഉപയോഗിക്കുവാനുള്ള സ്വാതന്ത്ര്യവും ഉണ്ടായിരിക്കുകയില്ല.
സ്വതന്ത്രസോഫ്റ്റ്‌വെയര്‍ സ്വാതന്ത്ര്യങ്ങള്‍
* 0 ഏതാവശ്യത്തിനും ഇഷ്ടപ്രകാരം ഉപയോഗിയ്ക്കുന്നതിനുള്ള സ്വാതന്ത്ര്യം
* 1 സോഫ്റ്റ്‌വെയര്‍ എങ്ങനെ പ്രവര്‍ത്തിയ്ക്കുന്നു എന്ന് വിശകലനം ചെയ്യാനുള്ള സ്വാതന്ത്ര്യം
* 2 പ്രോഗ്രാമിന്റെ പകര്‍പ്പുകള്‍ പുനര്‍വിതരണം ചെയ്യാനുള്ള സ്വാതന്ത്ര്യം
* 3 പ്രോഗ്രാമിനെ നവീകരിയ്ക്കാനും, നവീകരിച്ചവ പുറത്തിറക്കാനുമുള്ള സ്വാതന്ത്ര്യം.
സ്വാതന്ത്ര്യം 1 സ്വാതന്ത്ര്യം 3 എന്നിവ ലഭിക്കുവാന്‍ സോഫ്റ്റ്‌വെയറിന്റെ സോഴ്സ് ലഭ്യമായിരിക്കണം. സോഴ്സ് ഇല്ലാതെ പ്രവര്‍ത്തനത്തെപ്പറ്റി മനസ്സിലാക്കാന്‍ സാധിക്കുകയില്ല. അതുകൊണ്ടുതന്നെ സ്വതന്ത്രസോഫ്റ്റ്‌വെയര്‍ ഉപയോക്താവിന് സോഫ്റ്റ്‌വെയറിന്മേലുള്ള പൂര്‍ണ്ണ നിയന്ത്രണം സാദ്ധ്യമാകുന്നു.
ഇന്ത്യയടക്കമുള്ള ലോകരാജ്യങ്ങള്‍ അംഗീകരിച്ച ജനീവ കരാര്‍ പ്രകാരം സോഫ്റ്റുവെയര്‍ എന്നതു് പകര്‍പ്പാവകാശ നിയമം വഴി സംരക്ഷിയ്ക്കപ്പെട്ടിട്ടുള്ള കലാസൃഷ്ടിയാണു്. ഓരോ സോഫ്റ്റുവെയറിലുമുള്ള പൂര്‍ണ്ണാവകാശം അതിന്റെ രചയിതാവിലധിഷ്ടിതമാണു്. സ്വതന്ത്ര അനുമതി പത്രങ്ങളിലൂടെ ഓരോ രചയിതാവിനുമുള്ള ഈ അവകാശം ഓരോ ഉപയോക്താക്കളിലും എത്തിച്ചേരുന്നു.